萬眾期待，日元終於跌穿 7 算，專家估計仲有得跌，準備好聖誕節的朋友真今次係 UFFL，！一般香港人一年去日本閒閒地都起碼三五七次，甚至可能「使日本 Yen 仲多過用港紙」。不過，手揸一堆日本 Yen 未必等於你真係了解日本 Yen，以下關於日本 Yen 的 6 件事，你又知道幾多？
旅遊專業「樂吃購！日本」 Travel Guide，早前就製作了一篇有關日元的簡單提示，讓去日本的遊客可以出發前有多啲準備，當中不乏只有日本當地人（或者日本文化達人）先知道嘅小事，小編就從中整理左以下 6 點：
1. 1¥ 做一個蝕一個
第一點首先由 1¥ 講起，1¥ 面額實在太細，用途比起港幣一毫子仲要少，真係唔小心跌左落地都唔想執返。但其實一個 1¥ 硬幣，成本係要 3¥，日本政府造幣局真係「蝕住做」呢！
2. 去神社點解要投 5¥?
5¥ 面額並唔比 1¥ 高好多，但係去參拜嘅時候最常見偏偏就係 5¥。原來並唔係因為日本人孤寒，而係日文發音中的五元（五円）與緣份（ご縁）發音相同，有「求神明結緣」嘅意思。
3. 10¥ 實用性最高？
所指的實用性唔係日常最常用到，而係其他方面的用途。因為 10¥ 含銅量達 95% 之多，所以不少日本人都會用作幫電腦散熱，或者係除臭用，其他硬幣都做不到呢。
4. 遇上 2000¥ 紙幣要留意
唔通 2000¥ 最多假鈔？！當然唔係啦，其實係因為 2000¥ 為目前市面上流通量最少的紙幣，相當具記念價值。而且，係設計款式上， 2000¥ 可以話係別樹一格，背面圖案係源氏物語第37帖「鈴虫」嘅繪卷取景以及章節段落。
5. 紙幣人象多為男性，是重男輕女嗎？
5000¥ 係唯一一張紙幣以女性作為人象的，其他都是男性。呢個主要係基於安全上的考量，因為女性嘅面部特徵較男性少，例如 1000¥ 的人象野口英世就有鬍鬚，而 10000¥ 的福澤諭吉就有皺紋，所以係印製上，男性肖象就會更難被仿印了。
6. 10000¥ 新、舊紙幣點樣分？
日元紙幣係 2004 年換上最新一版，但到 2007 年舊一版本先停止刷製，當中 10000¥ 同 1000¥ 舊紙幣仍有一定流通量。特別要留意係不論新版還是舊版，10000¥ 都是以福澤諭吉作為肖象，只係背面有不同（舊版為兩隻雉雞，新版是凰凰），所以收到跟平常不太一樣的 10000¥ 都唔需要擔心呢！
想看更多旅遊、生活有趣資訊，可以來逛逛哦：http://bit.ly/2gfAUOa
來源：LetsGoJP
