八達通支援 Apple 的 Apple Pay 直接用 iPhone 或 Apple Watch 嘟卡就講左好耐,由舊年開始已經講緊。結果,今年 7 月時終於等到好消息,八達通公司宣佈話會喺今年稍後開通。之但係,今日該公司又發出咗更新,表示要 Delay 了!

喺 7 月公佈時話「今年稍後時間」,原本大家都以為等到 iPhone 11 系列推出之後就會有,因為 iOS 13 已經加入咗相關字串,代表功能隨時可以開通,結果都係無。

唔緊要,咁再等到年底有啦掛?而家 12 月已經過咗一半,但係就聲都無。而今日,官網公告卒之有更新,但就又一次令大家失望,今次公佈將推出時再一次延遲,而且又係無確實日子,只係講「預計稍後於 2020 年推出」,喂,咁要稍後到幾時呢?真係唔知,只能夠講句 Delay No More …please!

 

立即 Follow:Qooah IG (@qooah)Qooah YouTube,八掛產品發佈會現場,睇盡靚靚 Show Girls