八達通究竟幾時先可以加入 Apple Pay 呢?狼來了,一次、兩次,三次之後,今次睇來終於成真。事關八達通剛剛正式發出傳媒邀請,表示將於來緊 6 月 2 日 (星期二) 舉行一個主題為 「流動支付新定義」嘅記招,如無意外相信當中就會公佈正式推出 八達通 for Apple Pay!

關於八達通幾時先可以加入 iPhone / Apple Watch 直接o都卡,呢個消息早喺上年 7 月時就已經正式宣佈,但可惜其後喺 12 月底時改口話要延遲到 2020 年先可以推出。結果大家一等再等,期間再不停有操作示範啊屏幕截圖啊等等嘅消息流出,講到似層層結果都係得個吉。

狼來了咗咁多次,今次即將舉行嘅記招應該會正式公佈啦掛!?睇來應該都無十足都有九成九啦,大家再畀多次機會信一信好了。

至於 八達通點樣加入 iPhone / Apple Watch 嘅 Apple Pay 銀包呢?雖然官方仲未正式公佈,但由於現時已經推出咗嘅 iOS 13.5 已經隱藏咗大量相關資料,以至到幾乎全部操作嘅截圖都俾連登網友發掘咗出來,可以去呢度原文追下 Post。

立即 Follow:Qooah IG (@qooah)Qooah YouTube,八掛產品發佈會現場,睇盡靚靚 Show Girls