終於！好多香港人等緊嘅王維基 HKTV mall 本地生產兼且印有 Made In HK 嘅口罩，剛剛官網正式公佈口罩登記安排。由 2 月初王維基親自出馬並以高倍數價錢買入口罩機以及原材料以來，相信大家都等緊發售嘅呢一日來到，即刻睇睇：
上月底我地報導過，王維基喺業績發佈會上提到，HKTV mall 生產嘅口罩已經送到 SGS 做測試，而且終於有結果，正如王生所講，該公司所生產嘅口罩經 SGS 測試後，確認符合美國 ASTM 標準 Level 2 (詳細報告按此: bit.ly/2UPGNoq)，BFE ≧ 98%、PFE ≧ 98%、VFE≧98%。
而且，最緊要嘅係「良心價」。今次 HKTV mall 所生產嘅口罩訂價為每盒售價 HK$65，一盒有 30 片，即平均每片口罩價錢為 HK$2.17，售價與早前王生所公佈嘅 $2 蚊左右相符。以 ASTM 標準 Level 2 來講，$2.17 一片嘅價錢絕對比起坊間好多由外國引入嘅平好多。
不過，對 HKTV mall 來講由於首次生產口罩，所以第一批數量並不多，首次開賣會以「先登記抽籤，中籤後購買」形式隨機抽出 3,000 人購買口罩，每人限購一盒！
同時，為左應付人流，HKTV mall 表示已經採用左微軟嘅 Azure 雲端伺服器，1 分鐘處理到 300 萬個登記申請，另提供四大貼士俾大家，記得留意啦：
💡貼士一：
🔹口罩登記系統開放給所有持有有效香港流動電話號碼的人士登記，登記時只需輸入email📧同香港手提電話號碼📱，無須使用HKTVmall帳戶都可參加。每個手提電話只能登記一次， ⚠️若果重複登記，只會以首次提交嘅資料為準⚠️
💡貼士二：記低重要日期
🔹登記時間：
⭕4月13日（星期一）早上9點至4月19日（星期日）晚上11點59分
🔹中籤通知：
⭕我哋會盡快透過手機知訊通知中籤人士，中籤結果亦會喺HKTVmall應用程式及網頁內公佈❎未中籤人士將會收到相關電郵通知。唔中籤嘅朋友唔駛唔開心，你哋嘅資料會自動保留至下一次抽籤，無需重複登記。
🔹購買口罩日期：
⭕4月27日（星期一）至5月3日（星期日）
💡貼士三：
🔹唔係先到先得，有7日慢慢登記！📣要留意，喺登記系統按下「確認提交」鍵之後，系統會自動彈出「您已成功登記預售商品！」對話框🗯，先至算成功登記👍🏻。
💡貼士四：
🔹點解VIP或Gold VIP無優先訂購權❓HKTVmall衷心感謝客戶一直以來嘅支持🙏🏻，但今次並非一般商業或市場推廣活動，而係抗疫必需物資，所以我地希望一視同仁，畀大家有平等機會得到所需物資💖。
更新: 口罩登記正式開始, 詳見:
最後，最重要，登記連結為：https://hktvmall.azureedge.net/
記住唔好去錯地方啦！
資料來源：HKTV mall Facebook
