武漢肺炎疫情持續擴大,香港最近亦因外國回流的市民增多而爆發第二甚至第三波感染。疫情仍未知幾時結束,所以口罩供應仲係十分緊張。本地口罩生產成為壓低售價嘅新希望,而當中王維基先生的 HKTV mall 自家品牌口罩更加成為焦點。今日,隨著該公司業績發佈會的舉行,王生亦都公佈咗口罩相關發消息。

王維基於業績發佈上提到,日前由 HKTV mall 於 2 月時購入的口罩機已試產了一部分口罩,現時正送往評測機構進行品質檢定驗證,他本人有信心可以達到 ASTM Level 2 或以上的標準。

Posted by HKTVmall on Monday, March 23, 2020

 

至於大家最關心嘅售價方面,王生表示現時按照原材料的生產成本計每片口罩約港幣 1 蚊,而因顧及到人工、運輸、生產損耗等成本因素,所以發售定價應可定喺港幣 2 蚊一片。如果以一盒 50 片包裝的話,即是每盒 HK$100。

雖然 HK$100 一盒的售價對比起疫情爆發之前仍高,但現時由於原材料價格已經上升咗好多倍,加上對比起市面上好多外國品牌口罩來講,已經平好多。王生強調提到,今次本地生產口罩係要應市民所急,最希望係可以幫到市民健康,所以亦都唔希望由生產口罩中獲得太高嘅毛利。

而對於香港市民來講,相信大家最開心見到嘅莫過於印有「Made In HK」嘅口罩。加上,$2 蚊售價來講絕對十分之合理。至於產量方面,王生則表示日後預計每日可以生產 6-10 萬片,最快可以喺一至兩星期內正式推出。

來源:HKTV mall

_______

立即 Follow:Qooah IG (@qooah)Qooah YouTube,八掛產品發佈會現場,睇盡靚靚 Show Girls