香港近月來鬧口罩荒,而政府三番四次被問到口罩問題都口疾疾,一係話海外採購失敗,調返轉頭問大家如有好嘅採購方法記得同政府分享,一係就同大陸廠採購咗唔知幾時先返到貨。香港市民有幾咁慘,相信大家呢排出街就可以親眼目睹。不過,香港人慣咗自救,政府無能就唯有靠自己。香港眾志繼上星期採購 10 萬口罩後,今日黃之鋒再報捷,宣佈第二批 120 萬口罩今日成功抵港。

黃之鋒啱先喺佢自己 Facebook 度宣佈:在訂購首批十萬口罩以後,我們旋即開展第二階段的口罩搜羅工作,幸得海外港人繼續協助穿針引線,成功在中美洲找尋到貨源,眾志剛從機場貨運中心取貨,現在終於可以跟大家宣佈 —— 120萬個口罩成功清關,送達香港境內!

上次所採購嘅 10 萬口罩,部分交由民主派區議員協助派發畀社區有需要人士,其餘在眾志網店發售。當日開售後,網店一度被人流衝爆而要啟用後備伺服器,最終極短時間內售罄。

而今次數量多達 120 萬,載滿三架貨車,在一星期前從洪都拉斯出發,沿經美國邁阿密和台北,轉機好幾次後,成功送達香港。黃之鋒表示:

汲取近日經驗,眾志今次出資所購買的口罩,會透過大概幾十位無黨藉及素人區議員,幫忙將口罩交到市民手上。各議員轉售或分派的方式或有不同,將在取貨後陸續於專頁公佈,請大家耐心等候。雖然訂購過百萬口罩已不容易,但我們明白民間搜購可以供應的數目,仍遠遠不足以追上街坊需求,懇請各位居民諒解區議員們的難處。

至於今次呢批口罩會點分派,抑或點發售,詳情目前暫時仍未公佈,大家記得留意住啦。所以話,只要有心做,一定做到嘅。邊啲人真正幫到香港人?啊叻定係倫伯?相信經過今次大家心中有數啦!

來源:黃之鋒 Facebook

緊貼更多口罩消息,請每日留意 Qooah.com Qooah Facebook

立即 Follow:Qooah IG (@qooah)Qooah YouTube,八掛產品發佈會現場,睇盡靚靚 Show Girls