武漢肺炎日趨嚴重,現時正當各地嚴謹封關以免病毒輸入之際,香港政府卻是反其道而行,中門大開,任由大量病毒輸入。經過醫護多日罷工努力爭取後,2月8日政府終於實施了新措施,就是強制要求大陸入境人士作家居自我隔離 14 日,並且以抽查形式要求以 WhatsApp 或微信「報地址」,但此做法稍為有點 IT 知識的都知,漏洞極多。

雖然現時手機通訊程式如 WhatsApp 或微信 WeChat 等都有位置分享功能,甚至是可以以實時分享模式將移動位置跟朋友分享。但是,手機的 GPS 只能夠提供到一個大約的位置,就算是 A-GPS 一般定位都有方圓 50-100 米(甚至以上) 距離的誤差。所以即是說,被檢疫人仍能在一個範圍內活動而不被發現。

當消息公佈後,Facebook 一方亦已經作出相關澄清。據香港互動市務商會創會會長方保僑先生於其個人 Facebook 所發出的 Facebook 澄清所見:WhatsApp 目前在香港並未為緊急服務或緊急服務供應商(包括政府部門、警方、醫院、消防署或其他公眾安全相關的機構)提供特別訊息傳送服務;

咁到底政府會係點樣要求受檢家居隔離撿疫人士以 WhatsApp 或微信報地址呢?我地今日就見到 Facebook 有人分享咗出來:

▲ 來源: Facebook

先唔講「連姓都搞錯」呢啲低能野,由內容可見只係好簡單咁要求被家居隔離人士以 WhatsApp 或微信發送自己的位置,以確定「你是否留在家裡行行家居檢疫」。

相信各位讀者,見到一個「咁樣樣」的訊息就知,實在兒戲得過份。先唔講 GPS 有誤差的問題,甚至放低部手機喺屋企然後走出去你都吹佢唔脹。如果有玩過 Pokemon Go 的話,大家都會諗到,其實只要裝一個「Fake GPS」App,就可以輕鬆瞞騙過去,喜歡的話,帶著手機遊走香港九龍新界,去邊度都得。

緊貼口罩消息,請每日留意 Qooah.com  Qooah Facebook

立即 Follow:Qooah IG (@qooah)Qooah YouTube,八掛產品發佈會現場,睇盡靚靚 Show Girls