5) 準備小道具，動作更自然
唔少人對鏡頭都有恐懼，唔知擺咩表情好。其實可以準備一啲小道具，例如即影即有相、手機等，又或者就地取材，搵啲樹葉之類，都可以令動作更自然。
▲ 加塊樹葉就唔怕得兩個大頭咁悶啦！
▲ 落雨嘅時候，一把透明遮既可以擋雨，又唔怕影響構圖，去日本記得去便利店買番把啊！
▲ 小道具都可以用作講故事嘅一部份㗎！
講咗咁多，大家係咪已經有啲頭緒呢？其實自拍最緊要係啲咩？並唔係放上社交網結放閃，最緊要係保留兩個人嘅回憶，所以辛苦少少都值得嘅！呢集講咗咁多影相技巧，下集會同大家分享後製心得，希望大家都同我哋一樣可以享受同伴侶自拍嘅過程啦！
