香港電視市場近期十分熱鬧，呢邊廂有大台強推 myTV SUPER 新網絡電視服務，另一邊廂又有新免費電視台ViuTV 99 台加入。本地薑雖然強，但過江龍樂視 LeEco 就更加不甘示弱，除左有皇牌英超播放權之外，仲有超大量節目內容。有好內容，當然要有部靚仔大電視去配合先至叫做係享受。樂視最新推出左部65吋的超級電視 Series 3 X65 就正正值得推介。無他o既，以市面上相同尺寸來講，X65 性價比絕對超高 , 唔好講其他 , 就係 HK$7999 個價已經秒殺市場上所有日韓電視機啦 , 最後你地仲可能 HK$0 帶佢走 , 你都咪話唔過癮 !! Kevin 我就試玩左部機，而家就同大家來評測下！
4K 規格強勁，遠超一部電視
電視，對於上一輩來講，就係一部收睇免費電視節目的工具，最多再接部DVD或Blu-Ray機睇戲。但今時今日來講，電視已經進化成家中的娛樂中心，所以規格表現絕對是現時買電視的選購因素之一。LeEco X65 採用Mstar 6A928專業晶片處理器，這是一粒1.4GHz 四核 Cortex-A17 架構的 CPU。圖像引擎由Mali-T760 MP4 四核GPU作運算，屏幕解像達 3840 x 2160 (4K)，即使播放 60FPS 的 4K 影片解碼都能輕鬆處理。而在記憶體方面更是達到 3GB，另外內置有16GB eMMC5.0高速快閃記憶體，基本上就有如一部電腦，相信大家以前買電視很難會看到這些參數吧！？
超簿+幼邊框，靚仔不俗氣
自從夜晶電視普及後各家廠商就不斷在鬥薄，現時的電視已經薄到”紙一樣”。不過，對於一部既要功能規格強勁，但同時又要顧及到機身設計的智能電視黎講，LeEco X65 這方面可說是拿到了一個很好的平衡。由側邊睇，屏幕薄到有如一隻手指的粗度。
▼有點難想像嗎？好，再拿一張 microSD 卡比一下，大家應該有概念了吧！
連接埠齊全，電視功能無限擴展
智能電視除了用來收睇傳統的電視節目外，可以做的事其實遠比你想像的多。LeEco X65 機身側邊分別提供了SD Card、USB 3.0、USB 2.0 插槽、音訊輸出（耳機／同軸) 各一個，另外還有二組 HDMI 2.0。
▼而底部方面還有：AV輸入、電腦輸入、電腦音訊輸入、電視介面、網路介面、光纖輸出 等等，十分齊全。
內容豐富，視覺享受夠晒滿足
一部電視，講來講去最後當然最離唔開o既就係「有咩睇？」。呢方面就真係開正樂視「果瓣」，因為大家都知樂視過去一直做開網絡電視網站平台，呢方面亦都係令到樂視業務急速發展o既核心業務。LeEco X65 提供了十分豐富的頻道，無論是電視劇、電影、體育等都應有盡有，而且近期仲買入左迪士尼電影版權、DreamWork 夢工場等熱門卡通電影如 Minions 等播映權，相信會係小朋友至愛。
除左樂視自己提供o既內容外，當然大家仲可以用來睇已有o既數碼電視台，好似無線，又或者新開o既ViuTV，你甚至可以接駁其他盒子，將內容無限擴充落去，睇到飽。
最新 EUI 5.5 系統，Live 頻道強勢加入
超級電視 Series 3 系列 採用 Android 5.0 系統，而 X65 已經將高度客製化的EUI介面系統升級至最新的 5.5 版本。
EUI 5.5 將樂視手機上的 Live 頻道帶到超級電視，呢個Live介面有即時預覽功能，咁便利o既設計令到大家往後收睇節目或頻道時更加直接。
透過新系統介面，大家除左用黎睇電視外，仲可以做好多其他平時電腦會做o既野，例如瀏覽網頁。
▼又或者裝幾個 App 來打機(X65 本身有預載下載遊戲的頻道)，查詢其他資料等。
性價比極高，HK$0 抬走 X65
今時今日電視功能越來越多再加上屏幕尺寸越出越大，所以好多人都以為一定會好貴。呢個構念相信當大家見到呢部 LeEco X65 會有所改變。因為，規格強勁，尺寸達 65吋大嘅 LeEco X65 其實淨機只開價HK$7,999。不過，呢個亦都只係表面個價來。點解咁講？事關 X65 將會於 4月12日 開放搶購，屆時大家只要透過 LeMail.com 官網 以會員套餐機買機，分分鐘可以 HK$0 就抬走部 X65。詳細等 Kevin 話過你知：
樂視首創「以內容補貼硬件」o既方式發售超級電視，憑住海量影視內容、獨家體育組合以及冠絕其他收費電視台對手的4K內容等，大家只要選購「超級影視會員」計劃以 HK$990購買一年「樂迷狂睇組合」，就可以即時獲得機價回贈HK$600，每簽多一年再回贈多 HK$600，直至到「零機價」。
由於樂視已經取得八月份起三屆英格蘭超級足球聯賽播放權，以及最近又取得英格蘭足總盃、中超、美國職棒等賽事，所以如果你係一個超級球賽迷的話，咁可以諗諗另一個套餐。就係購買五年「超級體育組合」計劃，咁你就可以 HK$0 抬走部 X65，就好似上台買電話零機價個概念一樣，真係超抵啊！
大家睇完係唔係難免有D心動 ? 樂視香港會係 4月12日 LeMall.com 開賣 LeEco X65，你要第一手就買到就要去 LeMall.com 做左個登記先！不過要講一聲，此評測的 LeEco X65 屬工程機，正式開賣時電視機邊框會是黑色，而不是以上照片所見的銀色，大家留意一下啦！
