大陸霧霾直捲香港，令港人連呼吸都要「與中國接軌」，一齊感受「祖國的繁榮與進步」。對於早已習慣霧霾的大陸人而言，空罩、空氣淨化器一早已經成為生活必需品，有線新聞更加報導過連「進口新鮮空氣」都大受歡迎。既然空氣問題短期內不會亦不能改善，聰明的中國人亦已經睇準新商機，令霧霾變金蛋。
即使大陸經濟增長放緩，但仍有行業每年高速增長，就係「氣膜建築業」了。德甲班霸拜仁幕尼黑主場安聯球場，就有全世界最大的氣膜外殼，由 2760 個菱形塑料氣膜组成，球場面積有成 66,500 平方米。而大陸現時著力發展的充氣膜建築，大家就可以簡單理解為一個巨型氣球，隔絕外部空間，而人就可以係內部活動。本身充氣膜建築因為安裝簡易，同時面積大，一早得到大型展會垂青，而家更多人睇中嘅卻係「防霧霾能力」。
2016 年，中國體育用品聯合會就發表左一份「中國體育氣膜行業白皮書」，指出近十年氣膜體育館一直呈增長趨勢，而且係 2015 年已經有達 133 個體育用的氣膜建築。氣膜建築除左有造價同維修成本低（係傳統建築一半)，能源消耗少 2/3。更重要係因為結構上，氣膜建築只有一個送風口，只要將外來空氣過濾，就可以確保實內空氣質素，有數據指出，北京一間學校的氣膜體育館，室內 PM2.5 值只有 23，而室外就高達 400。
就咁睇，霧霾好似為大陸建築業帶來「新商機」，但筆者就覺得相當悲哀了，當連外出運動都會影響健康，呢個地方仲邊係人住㗎？
來源:Firebuy.hk
