好多人買手機嘅時候好著重性價比，務求要搵到一部最抵玩嘅智能手機，唔單止要影相靚拍片正，又要打機夠流暢，最重要係粒電夠唔夠捱到一日，而 OPPO 最新推出嘅 Reno5 系列手機就可能滿足到唔少人嘅要求。只需要 3,599 蚊起，就可以體驗到升級 AI 人像錄影功能、卓越嘅效能同 5G 網絡體驗，以及 OPPO 自家嘅超級閃充技術，仲有靚爆嘅機身設計。到底表現有幾好？我地而家就同大家深入探討一下。
機身設計：
OPPO Reno 5 系列用上 OPPO 獨家 Reno Glow 2.0 星鑽工藝，提供幻彩銀同星夜黑色，金字塔形狀晶體結構遍布整個機背，摸上去同一般磨砂玻璃唔同，手感獨特，而且有效防跣防指紋。
Reno5 5G 機身只喺重 173g 同厚 7.6mm，比起市面上唔少手機都輕同薄，無論男女都可以輕易用單手操作，不鏽鋼中框亦帶來更舒適嘅手感。如果想更型可以考慮 Reno 5 Pro，擁有曲面屏以及極罕見的夜光機身。
▲ Reno5 5G 及 Reno5 Pro 5G 在光線照射之下呈現出高度亮光效果，兩者的反光度各有特色，令其機身睇起嚟更加時尚吸引。
▲ Reno5 5G 機身僅厚 7.6mm，對比時下高階智能手機來講算是非常之纖薄。薄薄的機身不但輕巧，亦都好適合愛輕便嘅女生用，就算放喺牛仔短褲或短裙褲袋都無問題。
規格性能：
OPPO Reno 5 採用高通 Snapdragon 765G 高性能處理器，加上 8GB RAM 配 128GB ROM，能夠滿足用家一般日常生活使用，亦都應付到高性能遊戲的要求。
OPPO Reno5 5G 配上 6.43吋嘅 AMOLED 全高清平面屏幕，支援 90Hz 屏幕更新率，以及 180Hz 觸控採樣率，能夠提供流暢嘅畫面，同埋更快嘅操作反應，睇片、打機都更加出色。
如果想性能更加強勁，可以選擇 OPPO Reno5 Pro 5G，用聯發科嘅天璣 1000 Plus 處理器、12GB RAM、256GB ROM，效能更加旗艦級，仲會有 6.55 吋曲面屏幕。
超級閃充 2.0：
OPPO Reno 5 配備 4,350mAh 電池，足夠一日日常使用，就算電量唔夠，手機支援 OPPO 自家 65 Watt SuperVOOC 超級閃充 2.0，只需要 15 分鐘，就可以有 60% 電量，真係快到你想像唔到。
▲ 隨手機附送的 65W 充電器
我地以下就為大家做個測試，睇睇係咪真係咁快：
透過測試影片相信大家都已經見到，開頭由 1% 充電至 15% 少於 3 分鐘時間達成，而充電至 60% 總共亦少於 18 分鐘就完成。由於是開著屏幕測試的，所以相信如關掉屏幕充電的話，就可以達到官方所講的 15 分鐘完成。這樣的成績正好就反影出 SuperVOOC 超級閃充 2.0 的威力，實在太強啦！
拍攝：
OPPO Reno5 系列具備 f/1.7 光圈 6,400 萬像素主鏡頭，可以拍攝出細緻明亮的影像；800 萬像素超廣角鏡頭可提供 115 度廣角拍攝；200 萬像素微距鏡頭可近距離進行拍攝；200 萬像素人像黑白鏡頭就能加強人像景深拍攝能力，重有 3,200 萬像素前置鏡頭，可以清晰紀錄日常生活中每個精彩瞬間。
手機主打人像影片拍攝，支援多款 AI 人像錄影功能，能夠更真實呈現人像美顏，並提升暗光下畫面亮度及細節表現，令影片更清晰穩定，好似「AI 錄影美顏」，透過前置鏡頭自拍影片時開啓 AI 功能，Reno5 5G 手機就會智能識別人種、性別、年齡等資訊，然後根據個人特徵提供最佳嘅美顏方案。同時，你亦可以手動調節每項美頻功能，根據自己的個人喜好拍攝出最靚的一面。
影人嘅時候，好多時都要跟隨人物移動，影片畫面好容易就會不停咁震，影響觀賞效果，所以防震功能對人像錄影相當重要，OPPO 就為 Reno 5 系列手機加入咗「超級錄影防手震3.0」功能，無論點行點郁，畫面都唔震，保持穩定、流暢，睇嘅時候更加舒服。
▲ OPPO Reno5 5G 系列預設已經有防手震效果，在拍攝影片時可以獲得不錯的防震效果。如喺特定情況之下想要更出色嘅防震效果，大家可以開啟「超級錄影防手震3.0」功能，由以上測試影片大家就能夠感受到防手震能力的強大，即使手持手機邊跑邊拍都可以獲得非常穩定影像效果，連手持雲台穩定器一類配件都唔洗用。
錄影方面還有「Live HDR」功能，可以喺拍片嘅時候仍然能夠提供 HDR 效果，即使喺逆光嘅環境下，或者由光亮嘅地方走入低光環境，只要開啓咗「Live HDR」功能，就能夠優先保證人物面部有准確嘅曝光同出色嘅細節還原，人嘅面部細節、背景高光嘅景物，都能夠清晰保留，唔怕會突然黑面。
▲ 「Live HDR」功能有幾強？我地就同大家測試一下，首先搵個光暗反差較大嘅地方。例如上圖大家可以見到，現場拍攝所見比較偏暗
▲ 然後開啟了「Live HDR」拍攝功能，相信大家都已經見到差別，陰暗嘅隧道即時變得光亮起來
另外 Reno5 5G 系列重有「超級動態夜景」功能，可以喺低光嘅環境下加強曝光表現，就算環境嘅光線唔多，手機鏡頭仍然可以將影片畫面的亮度和色彩品質提高，同時人嘅膚色、表情細節都會更清楚，更為光亮清晰。
▲ 即使現場光線極低，開啟「超級動態夜景」功能後，畫面即時光亮起嚟
唔單止拍片，夜景模式重支援影相，可以令到大家更輕易喺夜間影到更光亮清晰嘅相，曝光能力更強，保持色彩鮮艷突出，而且主鏡頭同前鏡頭都可以用到。
人像模式可以令到拍攝對像嘅輪廓更加突出，喺複雜嘅環境下都影到自然嘅散景效果，重可以配合唔同嘅濾鏡使用，令張相更吸引。
在拍攝功能上，Reno5 5G 系列非常好玩，如「雙重錄影」可以同時用前鏡頭同主鏡頭一齊拍攝，喺拍攝周圍環境嘅同時，亦都可以將自己嘅表情、反應一一拍低。除此之外，仲有「霓虹人像」、「AI 人像留色」、「Soloop即錄」等等，輕鬆捕捉每個最珍貴時刻，創作出別具風格嘅專業影片。
▲「霓虹人像」模式專為夜拍而設，可以加強背景燈光虛化效果，從而做出專業單反相鏡配以特大光圈定焦鏡嘅效果，電影感即時大大提升。
▲「雙重錄影」可以同時開啟前後置鏡頭一齊拍攝，而且仲可以根據喜好去分割唔同形狀嘅畫面，包括平均分、圓形或者矩形，等你可以去到一個地方打卡果時連自己個靚樣一齊拍入鏡。
以下一齊睇睇更多以 OPPO Reno5 5G 所拍攝出來的照片：
▲ 開啟 AI 場景模式後再使用廣角鏡頭拍攝，HDR 效果非常出眾，令到景物立體感大增
▲ Reno5 5G 系列還加入了「超清模式」，如果不使用 HDR 模式的話，拍攝風景照片時建議使用此模式，照片出來效果在色溫上會更為自然一點，而畫像細緻度極高，色澤豐富、立體感同樣出眾
▲ Reno5 5G 鏡頭拍攝表現實在令人讚嘆，即使超級背光拍攝，其 HDR 高動態範圍處理得十分出色，前方景物不清晰可見，不會因逆光而變得黑色一片
▲ 另一張考驗鏡頭表現的場景，高反差光線環境十分考驗拍攝系統處理。由拍攝可見，Reno5 5G 測光十分準確，即使近黃昏太陽開始落山，樹陰下光線處理恰當，清楚表現出細節。
▲ 最令筆者喜歡的是微距拍攝效果，鏡頭解析力極高，蜜蜂仔身上紋理清晰可見，鏡頭景深效果亦很自然。上面用來展示 Reno5 5G 及 Reno5 Pro 5G 屏幕嘅正是用咗呢張相做 Wallpaper，喺手機上睇更吸引。
▲ 除咗基本拍攝外，如果大家喜歡街拍的話，黑白相表現都唔錯
OPPO Reno 5 系列透過感知人像和畫質增強兩大引擎，加強拍攝能力，為人物主體和整體畫面進行針對性加強，影相同拍片嘅能力都相當出色。體身設計、拍攝實力都如此高質，而售價只需 HKD$3,599 起，對於一部中階售價但拍攝能力表現已經達到高階旗艦手機水準來講，唔知大家有冇畀佢吸引到呢？
