上個月財政報告提出向市民發放「5 千蚊電子消費券」，好多人都評論點解唔係發放現金，而係要經電子支付平台去做，咁做既複雜而且要洗嘅手續行政費可能更高。其實今次做法目的都相當明顯，就係要推動電子支付喺香港快速全面普及化。今日政府就正式宣佈甄選咗四間電子支付營運商，邊四間被揀中？
相比起好多地方來講，現時香港電子支付平台算是最百花齊放嘅城市之一，市民選擇夠多。今次政府就甄選咗其中四間，包括有：八達通、Tap & Go 拍住賞、支付寶香港 以及 WeChat Pay HK。不過，令人最意外嘅係，竟然無最多人用嘅 PayMe！
點解係揀呢四間呢？財政司司長陳茂波表示：考慮了一籃子因素，包括儲值支付工具的普及度、使用的方便程度、商戶覆蓋面，及營辦商的相關經驗和配套、籌備所需時間等，亦徵詢了香港金融管理局的意見。
幾時申請
政府現時仍未確實公佈正式開始登記日期，而據早前財政報告時所講，最快會喺今年暑假開始接受登記，推算即是六月起。
點樣登記
政府新聞網提到：將設立一個中央登記系統讓市民以電子方式進行登記。市民如曾登記去年的現金發放計劃，部分基本的個人資料將自動載入到申請表格頁面供核實，減省市民輸入資料的時間。
以八達通為例，市民登記時可沿用手頭上的八達通卡，無須登記新卡或轉用個人八達通。至於其餘三間以智能手機為操作媒介的電子儲值支付工具，均透過電子錢包操作，故日後使用消費券時便更為便捷。
點用？
至於消費券計劃的其他執行細節，包括發放的期數、每期發放的金額及使用期限等，陳茂波表示正詳細考慮過去一段時間市民提出的各種不同意見，會盡快敲定當中細節。大原則是讓市民在一段時間內能便捷靈活地使用電子消費券，用於支付本地零售、餐飲及服務商戶的消費，以刺激經濟。
有乜要注意
電子消費券計劃是向每名合資格的18歲或以上香港永久性居民及新來港人士，發放總額5,000元的電子消費券。在這四款儲值支付工具中，市民可選定最適切自己消費模式的一款以收取及使用消費券。而為了防止冒認或盜用身分登記，中央登記系統不接納重複申請。此外，每一張八達通卡或個人電子錢包，都只能與單一登記掛鉤，不能重複使用。
資料來源：政府新聞網
