杜汶澤 自設新網台 「喱騷」網站正式全球上架啦！

杜汶澤喺 2018 年創辦咗個叫「杜汶澤喱騷 Chapman To’s Late Show」嘅網台，隨後製作大量 Talk Show 類節目，並以 YouTube 及 Facebook 平台作主要發佈平台。不過，隨住話題敏感以及處處受到社交平台限制，加上最重要嘅係最大一份收入只會益咗兩大社交平台，於是喺佢最近一個個人Talk Show 《香港企硬》做完之後，宣佈推出自家「喱騷」平台。

原本，杜汶澤打算係 12 月 2 日就正式開台，可惜遇到大量 IT 問題未解決好，於是被迫要壓後，並順延至今日，終於上架啦！

杜汶澤今次打造全新嘅自家「喱騷」平台，據佢所講係想打造真正屬於香港人嘅一個影視娛樂平台，以後節目將只會喺自己平台播放，唔再放上 YouTube 或 Facebook。今次平台主要採用會員訂閱制 (簡稱課金制)，一年 $600 就可以做到 VIP 會員，並可以獨家收睇足本版《香港企硬》。

收費計劃有兩個：
１）普通會員：月費$60，可以收睇1個月嘅精彩節目，逐個月俾錢
２）VIP會員：一次過俾年費$600，就可以訂閱12個月嘅精彩節目，仲可以獨家收睇「杜汶澤 Stand Up Hong Kong 香港企硬」𠻹！