csl. 近期積極推 5G 服務，新服務動作頻出。繼日前宣佈六條地鐵線有 5G 覆蓋之後，今日再推出新 5G Plan。今次主要係娛樂方面組合，首次聯合 Netflix 推出專屬 5G 新 Plan，分別有 50GB 及 100GB 兩個數據月費。
今日宣佈推出嘅 CSL x Netflix 5G 服務計劃月費分別為 $358 及 $468 兩個，本地 5G 數據流量為 50GB 及 100GB。不過相同數據量，1010 嗰邊月費就貴少少，要 $419 同 $539。
兩個 Plan 最大差別除咗數據量之外，Netflix 同時支援裝置數目都有所不同。50GB Plan 同時只可以喺 1 部裝置上收睇 Netflix 標準畫質影片，而 100GB Plan 則可以同時喺最多 4 部裝置上收睇超高清畫質影片。兩個 Plan 都會額外送多 2GB 中國內地數據及「86-易」大陸手機號碼。不過要留意嘅係，睇 Netflix 會照扣返手機月費所包嘅 Data，如果平時日常用量已經比較多嘅話，就要留意夠唔夠用了。
▲ csl 5G 服務計劃詳情
▲ 選用指出 5G Plan 送 Momax Airbox 充電盒 (價值$1,280)，關於 Airbox 可以睇我地早前報導。
而為咗迎合新 iPhone 推出，csl. 今日仲推出一部「AI 手機會收 Plus」機，可以畀到大家喺指出 csl/1010 門市自助式地去查一查自己部舊手機嘅 Trade-in 價錢，啱價可以即時畀部機回收然後以帳單或禮券形式收款。目前支援 6 個主要手機品牌，以及 58 款手機型號。
▲ 現場測試所見，一部機身及功能良好嘅 iPhone 11 64GB，trade-in 價評估出來係 HK$2,720，回收價似乎比起坊間回收舖頭略低一點，算是買個方便吧！
Now 方面，今日就宣佈推出一個 $39 月費組合，透過 Now E 平台收睇多超過 5,900 小時嘅中日韓劇集、綜藝節目、世界級體育及新聞內容等。
