一個蘋果死忠粉絲到底要帶多少個蘋果出街才算合格呢?  一部 iPhone、一隻 Apple Watch、一部 iPad、連埋支筆、再加 Airpod,有線充電一抽二褦真係攞你命 3000。

MOMAX 心知果粉的痛楚,特意在 KICKSTARTER 眾籌推出獨當一面,一次過無線充多部蘋果產品的 10,000mAh Airbox。集資專案原定還剩下 30天左右,不過現時已經一早超額完成認購,畢竟果粉眾多,買一個果籃確有需要。

這個無線充電器 Airbox 規格內置 10,000mAh,並且已經取得 MFi 蘋果認證以及 Qi 無線充電認證,亦都確保可以上到飛機。速度方便能夠支援 10W 無線充電、20W PD Type-C 規格,可替 iPad 快充,亦都能夠一次過替多部裝置無線充電。當然無線充電速度上不能夠說快,無論是支援的那一款蘋果產品,要完全充電都要接近 3 小時左右。

設計意念上,能夠打開的流動充電器瞬間變成果籃充電站十分創新,而且亦提供空間儲存容易掉失的 Apple Pencil。而且設計上貫徹始終,連本體也是透過無線充電,大概需要五小時才能完全充滿內置電池。

MoMax AirBox 價價: US$159 (眾籌早鳥價 HK$690)。

_______

立即 Follow:Qooah IG (@qooah)Qooah YouTube,八掛產品發佈會現場,睇盡靚靚 Show Girls