武漢肺炎疫情至今仍未受控，病毒除咗帶來人命傷亡外，對各地經濟打擊更大。現時香港多個行業已出現裁員潮，為好多家庭帶來沉重壓力。香港唔同澳門，無錢派。所以，如果多啲企業肯出來同市民共渡時艱，相信大家都會受落。例如，HKBN 剛剛就宣佈咗豁免一個月月費。
HKBN 香港寬頻 剛於其官方 Facebook 上發出告示，表示因應目前疫情問題，明白到今次疫情為好多企業同家庭帶來沉重壓力，造成經濟損失、削減工資同失業等。因此，該公司決定與客戶共度時艱，向住宅固網服務客戶同香港寬頻企業方案客戶豁免一個月服務月費。詳情如下：
由2020年3月2日至3月15日
➡ 香港寬頻住宅固網服務客戶（包括家居寬頻、家居電話及IDD月費計劃）可登入MyHKBN App或透過 http://bit.ly/ToughTimesTogether-RS 登記豁免一個月服務月費（每個戶口之上限為HK$200）
➡ 香港寬頻企業方案、HKBN JOS及HKBN Cloud之商業客戶可透過 http://bit.ly/ToughTimesTogether-ES 登記豁免一個月服務月費（每個商業登記號碼之上限為HK$500）
