現時市面上雖然感覺供應多咗,但係香港口罩荒依然持續,唔少人仍然每日要四出撲口罩。現時唔少化妝店、日用品店、藥房等每日都會返貨,而且仲有一班政黨,好似黃之鋒等人都有撲唔少口罩返來派街坊。而家,連賣開海味嘅「樓上」都宣佈咗即將有 20 萬口罩發售,而且仲係 $1 換購 5 個,基本上同免費派都無分別囉!

以下為 樓上 Facebook Page 公告:

【愛心口罩 分享行動

喺疫情嚴峻嘅日子,分享更顯得重要。樓上急大家所急,為您哋搜羅咗20萬個成人3層口罩(主要來自印尼)💪分享俾樓上會員同其他市民!今個星期四20號早上10點起就會經Facebook換購,會員同非會員各有10萬個(每登記名額可$1換購5個)。同時我哋亦會繼續周圍去撲口罩,希望可陸續增加換購名額,一齊同抗疫!

樓上嘅會員們,呢個時候施比受更難能可貴,如果您已有一定數量嘅口罩,可以將名額留返俾有需要嘅人。只要您照樣登記,我哋會有小小心意回饋返,就係可以用$1任選$40或以下產品一份~

===================

現時,登記詳情仍未推出,相信會喺 20 號當日先會公佈連結俾大家去登記,一有消息小編將會第一時間通知大家,僅記留意我們消息。

緊貼更多口罩消息,請每日留意 Qooah.com Qooah Facebook

立即 Follow:Qooah IG (@qooah)Qooah YouTube,八掛產品發佈會現場,睇盡靚靚 Show Girls