相信好多香港人六個月以來，琴晚值得最高興嘅一夜，大家不再是看著直播畫面流著淚不眠，而是真心感到興奮難眠。今早香港終於難得地充滿著正能量，各位街坊同身邊人都多了一個共同話題。而本地共享單車 LocoBike，繼之前「義救中大」後，今日再宣佈賀大埔區變「黃埔」，免費開放共享單車任踩一天同大家共樂。
在眾多選區之中，大埔人可謂最團結，因為區選 19 席全由非建制派獲取，贏到開巷。而作為主力設於沙田至大埔一帶服務的本地共享單車 LocoBike，剛於其官方 Facebook 上宣佈：「為慶祝大埔成為黃埔，家下到 00:00 個個都係勁踩王，踩車唔扣錢！」，並同時表示：「家下去何已完個區清私鎖車」。等大家可以實行齊齊踩單車，共享同樂日。
LocoBike 上次因義救中大一役而損失了唔少單車，部份仍在修理中。作為始於香港的一間本地初創公司，LocoBike 絕對值得香港人支持，大家日後就多多「懲罰」佢啦！
