而家個個都推電子銀包服務，匯豐自己雖然已經推出左 PayMe，而自己嘅銀行 及信用卡 App 亦都不停新增新功能。今日匯豐宣佈更新旗下嘅 Reward+ 手機 App，主要加入分享「獎賞錢」功能，等大家可以同朋友之間開心 Share！
匯豐表示，Reward+ 手機 App 自從去年 1 月推出以來，已經錄得超過 45 萬次下載，交易次數已超過 100 萬次。其中最受大家歡迎嘅獎賞錢服務，今次更新加入「分享」功能，即係你可以將獎賞錢當禮物分享畀朋友，甚至當係現金找飯錢等。
為咗推廣今次個新功能，匯豐宣佈由即日起至 5 月 31 日，匯豐用戶只需成功與其他持卡人分享任何數目嘅「獎賞錢」三次或以上，就可以即賺 30 港元「獎賞錢」。而且無須登記，進入 App 內嘅 RC 頁面就可以體驗。即係話，你過三次 $1 畀三個朋友就得，據聞互 Share 都得，大家可以試下。不過要留意嘅係，由朋友分享畀你嘅「獎賞錢」只可以自己當現金積分來用，而唔可以再將收到嘅「獎賞錢」再次分享畀其他朋友。
