香港電子支付市場競爭超級激烈相信大家都知，內地兩間龍頭支付工具為咗可以喺香港插旗分一杯羹不惜大灑金錢以補貼形式來吸引大家用。作為星斗市民，市場學嘅野我地識條識咩，總之有著數就得啦你話對不對。俗語有話，有錢送緊係食咗先講啦，之後繼唔繼續用大家咁大個人自己決定啦！
今日要講嘅超級優惠係大家樂宣佈，繼支付寶 Alipay 之後加入 WeChat Pay 支付。有新競爭對手加入，當然有新著數啦。今次著數直達送錢級別，因為由即日起至到 11 月 6 日，凡消費滿 $30 用 WeChat Pay HK 俾錢即減 $10。個優惠每人每日只可以用一次，最多可享受優惠 5 次，即係話總共回贈額為 $50。
遁例提提大家，優惠受條款約束，詳情請參閱大家樂官方細則！
