香港市場近年電子支付百花齊放，但都因為提供服務嘅公司太多，令到支付市場服務七國咁亂。於是，香港金管局今年就推出咗個「轉數快」中央系統，令到各家銀行同支付工具可以集中連結起來。作為一般用戶，大家個人對個人轉數無疑更方便。但對於商家來講，市面上支持形式仍然太多。有見及此，HKT 就針對商戶整合支付平台問題，推出咗「智能 POS」，一部機幾乎可以用到晒現時香港流行嘅所有支付工具。
「智能 POS」係一部比手機大些少的流動型收錢器，內置 SIM 卡可透過 4G 或 Wifi 連線操作，可以支援以近距離通訊(NFC)、信用卡的晶片及磁帶，以及 QR 碼付款模式。因此基本上已經可以接受到現時市面上所有電子支付工具，當中包括 Apple Pay、Google Pay、Samsung Pay、香港及內地之支付寶及微信支付手機錢包、Visa、Mastercard、銀聯信用卡，以及八達通等。
相關文章：【懶人包】「轉數快」係乜嚟？有乜限制？點登記？點樣用？
以往商戶每加入一樣支付系統，可能需要獨立安裝一部機，好似信用卡機、八達通機、NFC 機以收取手機支付等。而今年因「轉數快」嘅推出，令到各類支付可以互通，所以而家裝一部「智能 POS」就得。據知，「智能 POS」都係租機型式畀商戶申請來用，再按轉數額收取服務費。
操作方面好簡單，我地早前喺「轉數快」記招時亦都拍咗 demo，未睇嘅可以再睇睇：
