香港第一代智能身份證推出至今已經十多年，今日保安局向立法會提交了文件，並交代新一代智能身份證的更換計劃。由資料所見，政府計劃於 2018年至 2022 年期間，會比階段為全港市民進行更新，預計將發出約 880 萬張新智能咭。
新一代香港智能身份證「功能」上大致同舊咭相若，同樣設有智能晶片。而新舊咭最大分別明顯就是在設計上，以及新咭將加入了更多防偽特徵。隨住文件提交，亦同時曝光了新一代智身份證設計。
由設計所見，今次配色與及大頭相的擺放位置都同舊咭大不同。其中大頭相相舊咭的右邊搬去了新咭的左邊，細相及晶片亦同步調換了位置。不過，講到成個設計配色同埋風格，好多網友一望落去都嘩然同「回鄉咭」好鬼似，成個「中港融合」感覺表露無遺。以後，大家過關就唔好攞錯咭啦！
