新年講意頭，好多人會籍呢個機會「新年換新機」，而且唔少調查都指出，港人每年最少換一部係常態。如果閣下咁唔好彩有女朋友，同時佢最近又心癢，想買新 iPhone，要拒絕的確唔容易。不過而家有個方便簡單嘅方法，就係同佢講「美國總統「侵侵」部電話仲舊過你啊，八婆！」睇吓，霸氣出晒黎，幾 work！
美國總統部電話比你手上部 iPhone/Android 手機舊，絕不出奇，以前奧巴馬都成日呻無得用 iPhone（最後終於有，但連電話都打唔到，只能夠上網同收 email），而新任總統 Donald Trump （又稱「侵」，或者「侵侵」）都唔例外。但兩者之間情況好唔同，奧巴馬因為安全考慮，所以只能用功能受限嘅 iPhone，但 Trump 係本身就係 Andorid 愛好者，一直用緊 Samsung Galaxy 系列手機，平時出 Tweet 都係用佢。而且，即使正式就任總統， Trump 都唔願意放棄呢部愛機，重點係，佢手上的 Galaxy 手機據稱係 2012 年出品的 Galaxy S3，完全係遠古級數，係香港怕且都好難搵到全新機可以買到。
消息傳出後，外國傳媒大感意外，除左想唔到 Trump 會繼續以私人 Twitter 帳號發表偉論，更想唔到仍然會堅持用呢部安全性極差的手機。要知道，自從 2015 年以後， Galaxy S3 已經無再推出任何安全性更新，而且軟體版本停留係遠古 OS Android 4.3 Jelly Bean。恐怕大家對上一部手機，都要比 Trump 用緊的 S3 還要新，用呢個理由說服自己（或者其他人），今年換少部電話，慳返啲錢，絕對有說服力啊。
資料來源：Firebuy.hk
