近日大台節目《世界零距離 3》熱播，景色怡人的厄瓜多爾聲名大噪。有網媒亦借勢介紹厄瓜多爾種種優點，移門檻底、樓價平等等。之不過，唔係話成本低，易上樓就叫好住、移民勝地嘅，一個地方是否值得移居，有多重因素需要考量。 HSBC 每年都會委託市場調查公司，分析全球各國中，邊一個地方最適合外人到來工作、同生活。毫不意外的，全球頭 21 位都未見厄瓜多爾的蹤影。
HSBC 以市場調查公司 YouGov 的報告為基礎，當中調查計 27000 個外籍人士在全球 190 個地區的生活情況。包括：是否容易覓得生計生活、工作環境、組織家庭的難度、是否易於融入當地人群體、當地配置如何等等。
頭 21 個國家/城市遍及世界各地，當中對港人而言比較陌生或者非移民勝地嘅國家當然都有，好似阿曼雖然係生活質素或者配置上都不算好，但因為當地人友善，易於融入，所以名列第 15，同奧地利並排。
香港作為「黑面之都」，想唔到排名 12 之餘，係評分之中「People」更加係最高分的一欄，意味著外籍移民覺得與香港人相處感覺不錯，只係 「lifesyle」 上只有 0.48 分（1為滿分），講真係香港要 live 都唔係咁易，談甚麼 lifestyle 呢？真夠離地！
係調查之中，能夠擊敗日本、新加坡、澳州等一港移民城市的，就係紐西蘭了，縱觀多個項目評分都相當不錯，遠拋第 2 名的西班牙同第 3 名的加拿大。
資料來源：Firebuy
