作為全球最成功企業之一，Apple 每年公司向員工派發嘅聖誕禮物，照計應該會好豐厚。不過，之前見到有新聞話今年 Apple 聖誕禮物大縮水，好奇心俱使下，小編就搵左好幾間唔同行業嘅龍頭，比較下下當中有咩特點。
送得禮物比員工，多數都係想提升忠誠度，所以呢方面 Apple 以往都算係豪爽，上年每個 staff 都有隻 UrBeat 耳機，但到左今年，Apple 員工聖誕禮物就只係一件灰色 Tee 同埋一份 Apple 信條。Google 以往亦相當闊綽，由 2011年送 Nexus 手機起一直都係「年年有 Gadgets」，不過今年方針都改變了，變成以員工名義，將價值 3千萬美金嘅 chromebook、手機等產品直接給予慈善團體。或者，年年送數碼產品，員工都覺得悶了，物輕情義重，送禮還是講求心意多於物質嘅～（當然理解為孤寒，其實都錯唔晒⋯⋯）
外國企業文化畢竟同香港唔同，大概 IKEA 嘅大禮應該最啱香港人口味。根據英國傳媒報導只要係入職 5 年以上嘅員工，今年一律有 1200 磅 Bonus 。而個人就覺得 Lego 的員工禮物最有愛，一盒 6 隻以 50 年 Lego 火車為主題的迷你火車頭，超有收藏價值啊！
