遲到好過無到， Super Mario Run 終於係香港時間 12 月 16 號可以下載，可能有唔少人都已經爆機了。但對於一般打工仔來講，恐怕都要收工先有時間玩。有部份玩家應該會同筆者一樣，係開始遊玩時面對唔能夠成功登記呢個情況，一齊睇下點做。
事緣係建立 Nintendo 任天堂帳號嘅事候，手機會自動轉到任天堂網頁，而問題就來了：顯示有問題，成個頁面無字又禁唔到按鍵。呢個情況其實係因為網頁未能顯示繁體中文，只要換成英文就可解決。無論係於網頁內轉換語言，還是係 Game 內轉語言，都解決到問題的。
另外，當玩家成功登入後，會發現多左「菇仔」奇諾比奧可以用，係速度上比 Mario 更快，雖然難度相對而言會高左，但爽度也大大提升呢！
