新海誠新作係港、台、日三地大熱，唔少人都被「Wallpaper 誠」每張都如畫一般嘅場景迷住了。最近就有一個 iOS、Android 雙平台嘅相薄 app 加入左「新海誠濾鏡」，令相片影出來好似《你的名字》嘅劇照一樣。不過，無話唔比你做新海誠，但做之前，最好想清楚，睇下以下 4 個問題，覺得 OK 嘅就 download 囉～
1 來自大陸的 app
重視個人資料的朋友，一般都好抗拒使用大陸 app，而最近加入「新海誠濾鏡」嘅時光相冊，正正係來自強國，連係 App Store、 Google Play 都係用「殘體字」，單係呢點都足以人卻步啦！
2 用戶劣評如潮
可能你覺得「車，大陸app有咩好怕喎！」，但看完用戶評價，仲係咪咁有信心？目前時光相冊係 Google Play 上只得 2.3 分，當中更加有 64 個用家比最低 1 星，留言評價更加係一面倒嘅「負皮」。
3 強制註冊，取用權限多
點解用家如此不滿呢？原因都是同私隱有關⋯⋯第一個問題就係好地地影張相加個 Filter ，都強制要求用家註冊。再睇返取用權限，要讀取相機、媒體、儲存空間資料都叫做合理，但係通訊錄又有咩用？而且因為註冊要用知訊的緣故，連接收、傳送 SMS 權限都要拎埋呢⋯⋯
4 強逼使用者遠端備份
當你排除萬難，堅持要加「新海誠Filter」，但最後⋯⋯你會發現，原來你影完相，仲要硬性要求你備份到時光相冊雲端儲存空間。如果呢點你都覺得沒有問題⋯⋯咁試下都無妨嘅⋯⋯
▲ 睇返時光相冊資料，來自上海，主打「轻松备份照片、视频」，你懂的～
▲ 再睇下 Google Play，用戶評論都係一面倒。
