“dom dom dom dom dom”歌仔都有得唱，教你「保護自己，要有一套」，dom dom歌日播夜播，使用安全套嘅重要性真係由三歲到八十歲都非常清楚。但根據政府愛滋病毒感染統計數字顯示，香港感染個案仍然有上升嘅趨勢，都咪話唔得人驚！
雖然籃球巨星姚明都教識大家同枱食飯係唔會感染到愛滋病，但絕對要知道有咩方法預防愛滋病！
『索FreeDom』提供最常見性病的特徵，除左文字資訊之外，最重要就係有免費索取安全套服務。時下好多後生仔女都因為貪一時快感而「唔笠返個膠套」，甚至會因為「驚俾7仔阿姐啤住唔敢買」呢D無稽理由而唔去買dom dom。
有見及此，『索FreeDom』提供免費郵遞安全套服務，只要輸入郵遞地址便會將安全套寄到去你屋企，希望大家都重視使用安全套進行性行為嘅重要性。
有免費索取安全套服務之外，『索FreeDom』仲提供愛滋病快速測試預約服務。好多人歡愉過後先知驚，甚至換sex partner仲快過時裝換季，保障自己絕對有必要進行快速測試買個安心，千祈唔好以為自己無咁容易「中頭獎」，只要用『索FreeDom』進行電話或網上預約，便可獲安排免費測試服務。
部分性病例如愛滋病呢一刻都未搵到一個完全根治嘅方法，所以一定要call埋班friends齊齊download『索FreeDom』，了解愛滋病和預防方法，需要時更可以預約愛滋病快速測試或免費索取condom，放入銀包看門口，就一定「袋袋平安」！
[appimg 498409550]
Facebook 通緝唔用套嘅豬朋狗友
Firebean希望時下年輕人都重視使用安全套進行性行為呢個觀念，特別搵左Q爆嘅「賓jump猴」做形象大使，搵出大家唔用dom dom嘅原因，可以根據唔同嘅原因將Facebook朋友仔tag喺圖上面，有得玩又可以宣揚正確性行為嘅知識，一於tag哂friend list所有朋友仔啦！(以下圖片按下放大，大家可拿去Tag朋友)
『 索FreeDom』下載網址： http://itunes.apple.com/us/app//id498409550?ls=1&mt=8
本應用程式的資訊及安全套郵遞服務由再思社區健康組織提供：http://www.communityhealth.org.hk/new/
**緊貼更多免費App資訊，請即按：(或按這裡)加入我們Facebook 專頁，就能夠每天收到最快資訊**
