前排因為一套《星聲夢裡人》，令唔少人心中泛起咗漣漪，而正好二月又係一個非常浪漫嘅月份，多套愛情電影緊接上映，當中有些係扣人心弦嘅愛情故事，亦有愛得死去活來，邊一齣先係你嘅愛情寫照？請自行對號入座！
1.格雷的五十道色戒2
安娜(狄高達莊遜 飾)嘗試為格雷(占美杜倫 飾)踏足自己從未預料嘅性愛疆界，可是格雷迷戀暴力性愛嘅癖好，令佢疲累不已。安娜希望了解格雷嘅秘密，建立出互相信任嘅新關係，當一切看似漸入佳境，格雷封閉嘅過去和深藏內心嘅陰影卻逐漸浮現，把希望摧毀…
上映日期：現已上映
2. 52 Hz，我愛你
電影用「鯨魚」和「貓」形容城市裡面感到孤單又渴望愛情嘅人，鯨魚所發出嘅52 Hz頻率無其他魚能夠聽到，就好似有種人希望追求愛情，卻一直遇唔到能夠接收自己Channel嘅人一樣；同時世上亦有一種人好似小心翼翼嘅貓咪，期待愛情但又怕受到傷害，電影中嘅角色正正係唔少都市人嘅縮影。
上映日期：2月14日
3. 合約男女
既唔係劉德華，亦唔係古天樂，今次Sammi鄭秀文夥拍型男張孝全譜出愛情戀曲。故事講述保險公司霸氣女CEO對愛情感到絕望，乾脆決定找個男人借種生仔，千揀萬揀，一個快遞員卻意外成為孩子父親嘅最終人選，並同意簽訂「變態」合約…
上映日期：2月16日
4. 因為我愛你
男主角伊亨（車太鉉 飾）準備搵女友求婚之際卻遇上交通意外，醒返發現自己變成咗一位女高中生，之後更上咗失婚警探、處男教師及老婆婆身，經歷四次身份調換，到底伊亨最後可唔可以做回自己，抱得美人歸？
上映日期：2月16日
