近排，好多韓國嘅年輕一輩都迷上咗一款叫 Sultan of Cola 嘅可樂酒，開賣無耐，已經成為搶手貨，喺SNS上面到處都見到佢嘅蹤影，唔洗講都知呢隻酒喺韓國有幾咁受歡迎！
Sultan of Cola係一款由威士忌同可樂溝成嘅新式汽泡酒，味道同可樂差唔多，不過顏色再淺少少，個包裝更抄到好似罐裝「可口可樂」一樣，如果唔係因為見到上面有個酒字，真係會唔小心被佢呃咗，仲以為係唔知邊個國家版本嘅可樂。
呢款酒因為容易入口，所以啱晒一啲唔太受得酒精味嘅女仔同後生仔，但酒精濃度有成5%咁多，所以最好都係唔好一次過飲咁多。而韓國方面仲搵埋人氣組合 Girl Days 嘅素珍做代言人，拍咗輯非常性感嘅廣告硬照，令 Sultan of Cola 更加火熱起嚟！
圖片來源：互聯網
