多得大熱電影《屍殺列車》帶揳，令到喪屍熱潮再次被翻叮，若嫌睇完戲都未夠喉，想親身試下被喪屍包圍的感覺？那你一定要走入由樂富廣場為大家準備的「屍囚之路」，成班喪屍等你上釣，小心隨時嚇死無命賠！
每年除了兩大樂園會舉辦萬聖節活動之外，其實樂富廣場都會有大型鬼屋畀大家應吓節。今年鬼屋以近期hit爆的喪屍做主題，不過場景就由列車轉移陣地到不見天日的監獄，氣氛更加陰森可怕，令人不寒而慄。
參加者需要穿梭多個「屍人」重地，包括恐佈大監倉、精神病犯奪命監房、喪屍控制室、血淋淋飯堂等，除了要小心避開一眾喪屍追殺之外，還要找到隱藏密碼才能成功逃出監獄，而失敗者則要單獨接受最終行刑，一次過經歷晒斷頭台、電椅、釘板棺材等慘痛死法，務求令你死得過癮。另外，鬼屋更增設創新Hologram 3D立體浮空投影技術及採用人臉檢測科技(Face Detection) 的「驚魂照屍鏡」，保證驚嚇好玩！
樂富廣場「屍囚之路」
日期：2016年9月16日至10月30日 (逢星期五、六、日)
2016年10月10日 (星期一)
2016年10月31日 (星期一)
時間：下午4時至10時
地點：樂富廣場B區露天平台
收費：免費
