而家新上台，相信大家都會揀上 5G Plan。無他嘅，因為 5G 月費已經貼近甚仲有低玩過原有 4G Plan 嘅趨勢，所以大家當然識揀啦。就好似今日 CMHK 網店又推出新嘅 5G Plan 優惠，20GB 嘅入門 5G Plan 優惠後平均已低至 $118，仲要免 $18 行政費以及寄 SIM 畀你嘅運費，詳情我地睇睇：
CMHK 繼二月中推出限時半價超吸引嘅優惠後，今日再加推另一個新優惠搶客。今次網店優惠將 5G Plan 入門門檻再一步拉低，例如第一個 20GB (+其後1Mbps任用) 嘅入門 Plan，原價月費為 $188，而家帶號碼轉台簽約 24 個月就豁免 8 個月月費，而且透過網店申請的話再送多一個月月費，啫平均來計係 $118 一個月。睇返現時 CMHK 嘅 4.5G Plan，6GB 月費為 $108，比較之下相信大家無理由唔畀多 $10 申請 5G Plan，數據仲要多 14GB 掛？
如果 20GB 唔夠用，而你又咁啱想出新手機嘅話，都可以考慮下 30GB 或 50GB 兩個 Plan，因為會分別送 $1704、$2004 嘅 5G手機獎賞。另外，如果 50GB 都唔夠你用嘅話佢地仲有 100GB 同最高 200GB 嘅 Plan，當然月費都會相對地高啲，有興趣嘅可以去官網睇睇。
