Sony 今年早喺 2 月時就發佈咗 Xperia 10 II 及 Xperia 1 II，兩部機都受到唔少 Sony 粉絲關注。其中 Xperia 10 II 就喺上個月頭正式香港推出，我地亦都寫咗評測。而原本定於 5 月 29 香港推出嘅 Xperia 1 II，就因為貨期問題要壓後到聽日 (6月3日) 香港發佈。不過，售價就已經搶先被揭露了！
據友站 ePrice 嘅啊坤板主收到風，Sony Xperia 1 II 香港售價一如早前網上盛傳嘅 HK$7,999，亦即係話比起上年推出的 Xperia 1 嘅 HK$6,999 開售價足足貴咗成一千蚊。今次新機漲價幅度同海外部份市場相若，台灣據遠傳電信官網所見，售價為 NT$35,900，而台灣正式發佈日期係 6 月 4 日。
據了解，Xperia 1 II 即將喺聽日 6 月 3 日香港開完發佈會之後，就會即刻接受預訂，並將於 6 月 19 日正式發售。優先預訂嘅話，相信都走唔甩有野送。至於贈品會送價值幾多錢嘅野？我地聽日發佈會之後再 Update 大家。
想再了解一下部 Xperia 1 II 可以睇返之前嘅發佈文：
