自去年開始,香港以至全球各地熱炒 5G 呢個話題,加上 Samsung 剛推出嘅 Galaxy S10 加入 5G 支援,為今年一眾 5G 手機競賽揭開序幕。香港政府上年開放 5G 頻譜競投申請,而今日正式公佈了 26 及 28Ghz 頻譜申請結果。本應以為香港四大電訊商都無意外地會申請,不過唯獨 3HK 宣佈棄投,究竟何解呢?

相信大家都知道,5G 網絡制式依靠三個頻段來達成,分別是 3.5GHz、26GHz 和 28GHz。當中 26GHz 和 28GHz 政府去年接受了各網絡營運商申請,並會以指配形式分配畀各個申請者。今日政府正式公佈香港 26GHz 和 28GHz 頻譜申請者有 csl、SmarTone 及 中國移動,唯欠缺了 3HK。

而同時,3HK 亦都向傳媒發出新聞稿,解釋今次「唔玩」嘅原因。經了解後,相信最大原因是「成本」問題。3HK 喺新聞稿中提到幾個解釋,包括要配合該公司 5G 發展策略、有更多頻譜選擇、現時 5G 設備未普及、需要建設太多發射站等。

相關新聞:SmarTone、3HK 宣佈成功投得 900/1800 兆赫頻譜

雖然見到 3HK 列出好多個原因,但最大原因相信莫過於最後一個。事關 26GHz 和 28GHz 屬高頻,好處是傳輸送度快,但致命點是傳輸距離極短,只有約 200 米。因此,據知政府要求申請者須於獲批 5 年內建設 5,000 個基站來達致全港覆蓋,可想而知投資成本極高。

3HK 新聞稿原文如下:

 

_______

更多平台立即 Follow:Qooah IG (@qooah)Qooah YouTube,八掛產品發佈會現場,睇盡靚靚 Show Girls