上年 iPhone Xs、Xr 推出後，好多人都鬧爆 Apple 定價太高搶錢。亦正正因為售價真係太高問題，令到 iPhone 銷情唔理想而要 Cut 單減產。對於市場反應唔理想，Apple 自己當然要受同時都開始妥協，先是推出官方換購優惠，再而喺大陸同意各合作銷售商大減價救市。而家，呢股大劈價風都終於吹到來香港。
近日香港其中一間電訊 SmarTone，其網上商店開始為 iPhone XR 及 iPhone XS 推出「超級優惠」，部份顏色及型號都有唔同幅度大劈價，最高一款 512GB iPhone XS 由原價 $11,599 大劈至 $9,549，減足 $2,050。雖然減價對手機來講實屬常情，不過對 Apple 嘅 iPhone 來講，有呢個減幅卻係唔尋常。適逢情人節就到，相信必定可以刺激一下銷量。
其他容量，64GB iPhone XR 由原價 $6,499 減至 $5,500 (-$999)、128GB iPhone XR 由原價 $6,899 減至 $5,898 (-$1,001)、256GB iPhone XR 由原價 $7,799 減至 $6,590 (-$1,209)。除左減價外，網上買仲會送埋「爆芒換新」。即如果手機芒不幸意外爆左，你都可免費換新芒，為期 12 個月。
詳情可按下邊 Source 連結
