假如你對靚靚波鞋一買返去就發現,鞋上面竟然有屎!你會點做?

正常反應梗係狗衝抺咗佢,何況而家流越炒越熱,個價越炒越貴。
唔少人買咗返去都唔捨得著,驚整污糟,影響收藏價值。唔好講話屎,塵都唔想有一粒啦。
但係復古潮牌Golden Goose就偏偏相反,對對自帶污蹟,要有咁舊得咁舊,直頭踩屎咁!
直頭放喺屋企門口都唔使驚有人偷!

以為對鞋污糟就會好平?咁就錯晒,圖中宋仲基著緊哩對Golden Goose Deluxe Brand Super Star系列款式,一對盛惠$3000,仲要男裝己經無貨啦。

你可能心諗,想對鞋污糟容乜易,做乜要俾錢買?當然有原因啦,跟根據Golden Goose嘅發言人Flaminia D’Onofrio話,佢地嘅鞋好多都係用意大利最好嘅皮做,確保一定著得舒服。而鞋上面嘅「屎」並唔係真嘅屎,而係全部由威尼斯嘅工匠人手加工落去,所以對對都係獨一無二㗎!

除咗上面宋仲基,仲有好多中外明星係佢fans

左起: Avril Lavigne,Jude Law,林允兒,王菲,金秀賢

就咁睇落,Golden Goose會有少少Converse嘅影子。因為佢地最暢銷嘅super star系列,鞋身都有粒星星喺度。但係仔細睇,佢地嘅星星全部都係大大粒,同埋通常都係無咁隻角。同Converse嘅星星好大分別。仲有就係粒星星嘅材質有牛皮,有麂皮,有啲好似天星小輪啲椅咁,係一個個洞組成。

 

立即 Follow:Qooah IG (@qooah)Qooah YouTube,八掛產品發佈會現場,睇盡靚靚 Show Girls