去台灣識飲一定係飲珍珠奶茶，煙韌嘅珍珠，配埋香滑嘅奶茶簡直係絕配。台灣宜家仲開咗唔少舖頭專賣以珍珠奶茶炮製嘅人氣甜品，有機會到台灣一定要試吓！
喺台灣，賣珍珠奶茶嘅舖頭總有一間喺左近，台灣人鍾意飲珍珠奶茶嘅程度非筆墨可以形容，當地更有唔少店舖將珍珠奶茶製作成卷蛋、窩夫、格仔餅等熱賣甜品，身為珍珠奶茶控嘅你又點可以唔試？
珍珠奶茶卷蛋以鬆軟嘅海綿蛋糕包實奶茶味鮮忌廉同Q彈嘅黑珍珠，口感豐富。
另外，仲有配埋奶茶雪糕、牛奶布甸同黑珍珠一齊食嘅香脆窩夫，及夾滿咗大量珍珠嘅格仔餅，款款都咁吸引，你話點忍口？
