WhatsApp出咗8年,咁長時間儲儲埋埋唔少對話同相片,有時候摷番嚟睇都會勾起好多回憶,呢啲咁珍貴嘅記錄除咗keep喺手機,仲可以實體化成紀念冊,宜家有外國公司就係專門幫人搞呢一樣嘢。

透過公司Zapptales所提供嘅服務,只需要幾個簡單嘅步驟,你就可以好容易自訂出個人化嘅WhatsApp紀念冊,將重要嘅回憶好好收藏。首先設計好自己想要嘅封面,揀啱顏色、字型,改埋名之後,再將已選取嘅WhatsApp內容上載及進行編輯,該公司就會將當中嘅對話記錄及相片集結成紀念冊,然後送到去你嘅手上。

你大可製作出一本記載咗由相識到表白到熱戀經過嘅紀念冊,另一半收到應該會好冧!每本價錢由$24.9歐元約(HK$206)起,貴唔貴就見人見智,可能你會覺得自己整都得啦,不過有咗呢種服務又真係幾方便!

官方網址:https://www.zapptales.com/en/

_______

立即 Follow:Qooah IG (@qooah)Qooah YouTube,八掛產品發佈會現場,睇盡靚靚 Show Girls