PayMe 一推出憑住跨銀行免費小額轉帳而大受歡迎，現時已經順利成為本港最多人使用嘅電子錢包之一。惟初推出時，只限匯豐自己銀行客戶才可以綁定由匯豐銀行戶口直接增值有點不便，現在宣佈推出 PayMe 2.0 接入「轉數快」，終於開放更多本地銀行直接增值，而且介面大改令到操作上更為 User Friendly。
早前我地已經同大家預告過，PayMe 2.0 即將帶來 5 大更新，今日匯豐正式舉行記招宣佈新版本推出消息。
開啟 PayMe 2.0 後，相信大家都可以見到一個全新設計的介面，一按即可開啟最常用嘅日常功能，包括付款、收款、
另一重大改進，就係正式接入「轉數快」(Faster Payment System)。透過 FPS 嘅直接付款授權服務就可以支援由 10 間本地銀行為戶口增值，唔會只限由匯豐自己戶口增值。而接入 FPS 後另一好處，表示大家可以透過電話號碼或電郵地址直接過數於對方 FPS 帳號，變相對方無需擁有 PayMe 帳口都一樣收到錢，令到 PayMe App 做到部份銀行 App 限定功能。
最後大家最關心嘅轉數金額方面，今次更新後亦都有所提升。例如由 10 間本地銀行增值額，每個月上限可高達 50,000 港元。另外，由信用卡每月增值上限則由以往的 5,000 大削至 2,000 港元。詳見下圖：
匯豐方面表示，PayMe 2.0 目前仍處於測試版階段，預計未來兩週內正式版將會上架。如果大家想即試的話，可以去 PayMe 網站跟指示做。
