時下年輕人手機唔離手,無數據用感覺可能仲慘過無靚衫著。現時雖然每個台都有無限數據 Plan 選擇,但一般都比較貴,用落唔化算。幸好最近出左一隻「自由鳥」,而且識玩仲可以賺盡著數,而家就教大家點做,等大家有多樣選擇。

「自由鳥」之所以叫「自由鳥」係因為佢地標榜係一間純 Online 的電訊供應商,主打係無須簽約、無須收取行政費等,實行用幾多畀幾多,夠晒自由,聽落相當吸引。

除左夠自由外,都唔及佢地提供嘅著數令人雙眼發出閃光。因為如果你係一名無固定收入嘅大學生,又或者本身用緊個 Plan 個個月都爆 Data 但合約又未到期冇得轉 Plan 的話,相信你都想搵張抵用嘅 SIM 來頂下檔,咁就睇下呢幾項夠唔夠吸引啦:

一:邀請朋友,賞你免費 20GB 數據或更多

為吸引更多用戶加入,「自由鳥」推出咗個「齊齊加入鳥」推薦計劃。個計劃好簡單:現有付費「自由鳥」用戶只要喺 4 月 15 日或之前,成功推薦親友成為付費客戶,咁樣推薦人就可獲雙倍現金獎賞,每個推薦最高為 HK$200。而該新入嘅朋友亦都可以獲得獎勵,最高可獲得額外 4GB 數據,真正開心 Share。

獲得嘅 HK$200 現金獎賞將會直接注入你嘅「自由鳥」帳號。以每加購 10GB 要 100 蚊計,即係話你可以免費加購到 20GB 數據返來慢慢用。成功推薦越多獎賞亦會更多,認真著數啊 !

二:「數據P2P」,自已用唔晒可射畀朋友

只要每成功推薦一個朋友就可以最多換得 20GB 免費數據,你可能已經覺得好爽。不過未夠。筆者覺得「自由鳥 Mobile」喺香港首家開創嘅「數據 P2P」更加吸引。因為一班朋友或家人當中,總有人用得多數據有人用得少。有咗呢個服務之後,大家就可以互射 Data。即係話你用唔晒可以將數據轉移畀朋友,而朋友用唔晒又可以轉移畀你。咁就唔使就住就住,差唔多無哂 Data 嗰時就可以問朋友要。

▲ 由首頁進入「數據 P2P」後,就可以自由設定要轉移幾多數據俾邊位朋友,每次轉移以 0.5GB 作單位。

三:「自由鳥族群」,唔明即時問

對於一間純 Online 的電訊供應商,你可能憂慮當遇到問題應該如何處理。呢層其實都無需太擔心,因為除咗可以透過「Birdie Mobile」應用程式內發出查詢訊息外,還有個「自由鳥族群」。大家可於「Birdie Mobile」應用程式內登入部落,互相分享使用心得,亦可以第一時間接受官方最新的優惠公告。咁就唔使擔心有問題無人幫手、有優惠唔知啦!

四,旅行唔洗換卡,當「旅遊數據卡」用亦得!

香港人鐘意去旅行,所以出外之前都必定會先租 Wifi 蛋或者買一張當地嘅數據卡。而家用咗「自由鳥」就可以煩少樣,因為「自由鳥 Mobile」都係用早前推出嘅「遨遊SIM」漫遊日費收費模式,唔會有震撼帳單,只要透過「Birdie Mobile」  應用程式就可以購買當地數據日費,唔使換卡,一落機開數據漫遊就用得。無論返大陸,去日本、韓國、台灣、歐洲、美加澳紐等熱門地方都無問題,而且費用都抵玩,好似日本、台灣等港人常去地點只需 $12 蚊一日,南韓 $16 蚊一日。

五:唔使簽約,用得更輕鬆自由

上台一般都要簽 24 個月合約,每個月限定用某一個限額的數據量。但係,好多人其實唔知自己每個月用多定用少。用得多唔夠用想加又因為過左合約價就會好貴。但如果個個月都用剩好多,感覺又好似畀多咗錢唔抵。所以就如上文所講,「自由鳥Mobile」最好之處就係唔使簽約上台,每個月大家可以按需要去「買」。如果作為一名無固定收入嘅大學生,你就可以隨住自己荷包及需要來購買所需數據使用。

「自由鳥 Mobile」服務計劃主要係迎合「千禧世代」的喜好而設計,無合約、無行政費夠晒自由。「自由鳥」現亦已正式推出月費計劃,每月低至 $90 連 5GB 數據及 3,000 分鐘通話時間。而 $120 嘅 7GB 數據 Plan 同時還設有無限通話分鐘及「貓頭鷹時間」,即每日凌晨 1:00am 至 6:00am,如果你本身月費中的數據未用完,呢段時間內就可以任上網而不會扣除原本的 21Mbps 數據用量。

試用轉月費特別獎賞

如果你早前有登記免費試用「自由鳥 Mobile」的話,只要喺 25/3/2018 或之前成為「自由鳥 Mobile」月費計劃各戶,還有以下特別獎賞:

  1. 5日漫遊數據日費
  2. 額外 4GB 本地數據

「自由鳥 Mobile」網絡由 SmarTone 支援,有相當的質素。平時上社交網站、睇新聞、打機、睇片通通都無問題。以下就係筆者實際嘅使用體驗,大家都可以參考一下:

 

「自由鳥」 Mobile 應用程式下載:

查詢:Birdie

 

資料由客戶提供

_______

更多平台立即 Follow:Qooah IG (@qooah)Qooah YouTube,八掛產品發佈會現場,睇盡靚靚 Show Girls

發表意見

發表意見

最新文章

1千出頭就有巨電大屏,小米 POCO M7 香港發佈

小米推出全新 POCO M7 手機系列,POCO ...

MacBook Pro 將首次支援 5G 網絡?自研基帶 C1 晶片正在測試階段

Apple 正計劃將自研 5G 基帶晶片 C1 應...

小米 REDMI Note 15 Pro 系列官宣,小金剛實戰之王,下周見

小米 REDMI 發佈海報表示 REDMI Not...

小米玄戒O2 採用 Arm 最新公版架構,IPC 性能提升最少 15%

博主 @定焦數碼 爆料透露,小米玄戒O2 將採用 ...