今時今日手機越出越貴，iPhone X 一出更是將售價推上近 1 萬港元「歷史新高」。所以，如果萬一一個唔覺意而又咁唔好彩地跌爛咁就真係心痛死。唔想部機跌一跌就報銷的話，一般有兩個做法，一是買個強勁的防撞保護套，又或者幫手機買保障。而後者近年多間電訊商更是力推，例如 3HK 有「新機保」，而 HKT 旗下的 csl/1010 就出左個「十全大保」。
csl/1010 今次個「十全大保」明顯就係食「iPhone X」個「十」字，想等大家一聽就知道可以幫部貴價手機買返個保障。加上，「十全大保」唔洗額外俾錢買，因為只要去 csl/1010 購買 $11,888 或以下指定型號手機之個人服務計劃就會免費送你 12 個月保障服務。
至於個「十全大保」有咩用？就係若果維修費用報價不高於機價 75%，可以無限次維修補貼因摔跌損毀、入水損壞、顯示屏爆裂等，最高獲得 80% 的維修費用補貼。如果咁啱好黑仔部機維修費用報價超出機價 75% 就會被定義為 Total Lost 全毁，都可以有一次補貼買新機的機會，但補貼額會縮到原購買價 60% 同埋上限 $5,000。(詳情請向HKT查詢)
