嚟到暑假，相信唔少人都會出去玩下唔同嘅戶外活動，遊下山、玩下水，去玩就當然唔少得影相、拍片打卡留念。ASUS 最新推出嘅旗艦機 Zenfone 10 不但擁有最適合單手操作同嘅 5.9 吋屏幕，帶去邊都咁方便，仲有升級六軸防手震功能，唔需要額外帶多枝雲台，只需要單手就可以輕鬆拍攝出穩定清晰嘅相片同影片，更可以空出一隻手去拖實身邊嘅人。究竟 ASUS Zenfone 10 係咪係真係咁好用？即刻試比你睇。

最佳單手使用尺吋

ASUS Zenfone 10 採用 5.9 吋細屏幕，厚度僅 9.4mm，是被稱為最適合單手操作的尺寸，不論男女老幼，都可以輕鬆單手使用，收藏喺褲袋同細手袋都相當方便，而且機身只有 172g，長時間使用都唔會太攰。機身提供洲際綠、日蝕紅、彗星白，以及隕石藍和午夜黑，用家可以挑選最適合自己嘅個人色彩風格。而且支援 IP68 防塵防水，不用怕遊玩時入水整壞。

ASUS Zenfone 10 擁有獨特實用的 ZenTouch 多合一觸控鍵，不但支援指紋解鎖，仲可以設定上滑、下滑、捲動網頁、閱讀通知、播放、暫停、前一首、後一首等，單手掌握完整使用體驗。

影相方面，亦方便單手切換人像、光軌、夜景等拍攝模式，一手掌握所有功能，拍攝時可以空出一隻手，扶穩身邊人。

ASUS Zenfone 10 更加入了全新便捷快拍功能，無需解鎖手機，只要按兩下音量鍵，就可以即時連拍三張相片或拍攝影片，精準紀錄精彩瞬間，唔使再怕因為手機反應太慢而錯過捕捉畫面的最精彩時刻。

邊行邊拍完全冇問題

ASUS Zenfone 10 用上 5,000 萬拍攝像素 Sony IMX766 感光元件主鏡頭同 1,250 萬拍攝像素超廣角鏡頭，主鏡頭用上六軸防手震 Hybrid 雲台全新升級 2.0 版配上升級的軟體 EIS 智慧防手震、硬體 OIS 防手震，以及快速自動對焦全新智慧防手震，利用陀螺儀偵測移動，動態調整畫面收錄視野大小，即使單手拎住手機上山下海，都可以拍攝到更寬廣穩定的畫面。

手機具備雲台提示功能，拍攝相片或者影片時，屏幕中間會有一粒小白點，只要保持到小白點喺圓圈中間，就可以確保影像穩定。

用上 4K、60fps 配上智慧防手震功能拍攝，雖然手機也支援 8K 超高清拍攝，不過最高只有 24fps，個人就比較推薦 4K 配 60fps 的組合。影像相當之清晰，每個動作之間都可以流暢看見得到，從日光下到樹下暗位的畫面亮度調整得準確，讓畫面每秒都保持到光亮清晰。

再用 1,080p、60fps 配上超級防手震功能拍攝，超級防手震功能能夠提供更強大的防震能力，雖然最高只有 1,080p，但更適合在大晃動及運動期間進行拍攝。一邊行山一邊單手拍攝，即使上落樓梯，畫面都唔會有太大嘅晃動，保持清晰穩定。

除咗拍片，ASUS Zenfone 10 嘅主鏡頭影相都可以用到防手震功能，即使畫面有輕微的震動，手機就會自動彈出提示，避免之後先發現，錯過一張好相片。而且主鏡頭同超廣角鏡頭都支援 AI 圖像美化，可以提升影像更多細節。

 

喺日光之下，輕鬆就可以拍攝到一張畫面光亮，而且細節豐富嘅影像，即使透過湖水反光，都仍然清楚睇到天空雲層嘅層次感，樹木嘅紋理亦都相當細緻。在樹林之間拍攝，都能夠平衡光位同暗處嘅亮度，唔會話樹蔭太暗，日光位置光到爆光。即使去到日落黃昏，鏡頭嘅 HDR 能力都能夠令影像喺清晰度同氣氛之下保持平衡，可以看清周圍環境，亦都保留到黃昏嘅色彩。

超廣角鏡頭嘅表現都相當出色，曝光能力都相當強，影像光亮，而且保留多處細節，色彩層次感更突出，超廣角拍攝亦不會令影像有明顯變形，不怕影響構圖。喺黃昏拍攝時，都有出色嘅色彩呈現能力。

更多拍攝相片：

唔使腳架都影到靚夜景

ASUS Zenfone 10 嘅防震能力，亦都令夜景拍攝能力有進一步嘅提升，提供自動偵測夜景拍攝能力，即使環境嘅光線不足，手機就會自動切換成夜景模式，只要手持 2 至 4 秒，就可以大大增強影像亮度，而六軸防手震 Hybrid 雲台就令用家保持鏡頭穩定，唔怕影相手震震。

喺無街燈、環境近黑暗嘅情況下，只需要手持拍攝 4 秒，都可以拍攝到光亮度唔錯嘅相，雖然細節可能唔夠清晰，但影到出黎已經係好誇張。只要有少量嘅燈光，要拍攝到一張清晰嘅相就更加輕易。

更多拍攝相片：

唔單止主鏡頭，ASUS Zenfone 10 嘅 3,200 萬像素前鏡頭亦都改用左 RGBW 技術，即使在低光源環境下，都能夠拍出立體同明亮嘅自拍照，亦都可以有效降低雜訊。喺背光嘅黃昏環境自拍，人像同背景同樣夠光夠清，立體自然。

以前見到好多人影車軌、光軌相，都要用大相機大腳架配上長時間曝光先影到，過程麻煩。但宜家 ASUS Zenfone 10 就擁有光軌模式，支援完全手持，強勁嘅防震能力令用家無須腳架，淨係要用你 4 至 7 秒就能夠拍出專業攝影大作。

總結

ASUS Zenfone 10 唔單止細小輕巧，仲配備左多項強勁嘅拍攝能力，配合六軸防手震 Hybrid 雲台，只需要單手，就隨手都影到清晰嘅相片同影片，空出一隻手就可以保護自己，握緊行山杖或身邊嘅野，避免雙手揸機導致意外發生。就算要拍攝同影夜景，都唔使額外帶雲台或者腳架，輕輕鬆鬆就拍攝到穩定嘅影像。當然唔止影相，ASUS Zenfone 10 仲配備左 Snapdragon 8 Gen 2 處理器、最高 16GB RAM 配 512GB ROM、144Hz 更新率屏幕、Dirac Virtuo 類劇院空間音效等，打機、睇片都有極致體驗，4,300mAh 電池亦為用家帶黎一整日嘅續航時間，唔使帶住個「尿袋」周圍去。