隨住 iPhone 12 系列的發佈,大家就知 5G 終於要普及啦。今日 3HK 就率先舉行記招,宣佈旗下 5G 服務於香港覆蓋率已達 99%,同時宣佈推出一個較低用量而且月費相對較平嘅 5G Plan。

3HK 今日記招提到,該公司嘅 5G 服務覆蓋率已經全面提升,其中近 600 室內、外人氣鼎盛人流熱點包括主要高速公路、大型商場及商廈等都已經有 5G 訊號覆蓋。

咁到底 3HK 係用邊啲頻段去提供 5G 服務呢?由於該公司目前仍未有投得 26Ghz 及 28Ghz 高頻頻譜,所以只能得過 3.5Ghz (N71) 及 2100 Mhz (N1) 去提供 5G 服務。由下圖可以見到,全港各地所採用嘅頻段:

相信大家都見到,上圖面顯係藍點 (即2.1Ghz頻段) 佔最多。呢個亦都係 3HK 話可以做到 5G 達 99% 覆蓋嘅原因。3HK 解釋提到,佢地並不是採用 DSS (SmarTone 主要用到嘅技術) 去達致高覆蓋率,而係將部分人流量較多嘅地區,成條 2100Mhz 頻段 (15Mhz) 轉做 5G 專屬頻頻譜,無須將 4G 及 5G 共享一條 Band,所以其 5G 覆蓋就可以高速提升覆蓋率。

同時,今日 3HK 亦都宣佈為原有嘅 5G Plan 加入一個 30GB 月費 HK$288 較低用量計劃,畀到大家多個選擇都唔錯啦。

另外,配合 iPhone 12 推出,只要喺 11 月 30 日或之前上台同時升級加購月費 $58 的「4.5G 任用數據王」,當 5G 數據用晒之後即享無限速的 4.5G 其後數據任用,更可獲 $2,000 手機現金券,以及首 500 名申請可額外獲得 9,999 易賞錢積分。

至於 99% 嘅覆蓋率速度如何,我地日後再同大家測試一下。至於地鐵沿線呢?高層被記者問到時並無正面提及到,呢方面都係等我地再去試下啦。

_______

立即 Follow:Qooah IG (@qooah)Qooah YouTube,八掛產品發佈會現場,睇盡靚靚 Show Girls