隨住金管局於 2019 年起發出多個虛擬銀行牌照後，虛擬銀行相關服務大舉進駐香港，以往大家聽得比較多嘅可能都係來自大陸嘅品牌。而香港本土方面，獲發牌照的虛擬銀行 WeLab Bank (匯立銀行) 今日亦都宣佈正式開業。
話明係虛擬銀行，所以大家申請相關服務只要透過下載手機 App 就可以完成，WeLab Bank 亦唔會例外。除咗可以用手機 App 申請 Debit Card 用作網上消費外。同時，亦都可以申請郵寄一張 Debit Card 實體卡，而該卡最特別之處係無刻印卡號唔驚畀人盜用，方便大家可以去 ATM 櫃員機 (目前支援 JETCO自動櫃員機) 拎錢。
WeLab Bank 今日宣佈虛擬銀行服務正式開業，所以當然唔少得推廣優惠。該司宣佈，喺優惠期內憑卡作線上線下消費，可以享有 8％ 嘅現金回贈 (回贈的交易金額上限為港幣3,000元) ！而所有交易都會即時顯示喺手機 App，收入同支出自然一目了然！
