講咗好耐嘅 5G 通訊網絡隨住 4 月 1 日嘅來到，終於正式喺香港啟動。對絕大部份人來講，5G 絕對係前所未有體驗過嘅新科技。現時大家最關心嘅除左 5G Plan 之外，相信更加想了解一下現時香港嘅 5G 覆蓋情況。日前我地已經率先為大家初步測試過 csl. 嘅 5G 表現，而今日小弟 Winson 再一次走遍港九多個香港最熱點嘅地區，為大家帶來更加深入嘅測試以及 5G 實質生活上嘅應用體驗，即刻睇睇：
csl. 擁全港最多 5G 頻譜，解決「結界問題」
測試之前，我地先了解一下 5G 頻譜問題，因為 5G 覆蓋率直接由頻譜數而影響。根據上年 11 月香港通訊辦嘅 5G 頻段拍賣結果公佈，香港四間電訊商所投得嘅 5G 頻譜數目已經塵埃落定。當中 csl. 所投得各頻率總數為 520Mhz，詳細如下表。當中，4.9Ghz 頻段更可以用來解決沙田至大埔一帶，因與衛星訊號「撞 Channel」嘅「結界問題」。
由太子開始，直落試到去尖沙咀
以九龍區來講，最旺嘅位置就必定係油尖旺一帶，所以我地亦都選擇由太子開始測試，再到旺角，然後直落到尖沙咀。期間，我地亦都以影片作記錄，等大家可以更加容易了解到成個情況。我地今次測試用嘅手機就係 Samsung 最新推出嘅旗艦型號 Galaxy S20 Ultra，而速度測試工具就用咗 SpeedTest App 以及瀏覽器版嘅 fast.com。
▲ 第一站：太子始創中心外，csl. 5G 錄得速度高達 457Mbps
▲ 對比一下同一位置某台嘅 4.5G 速度只有 46.3Mbps，可見 5G 速度快了近 10 倍
▲ 第二站：由太子向旺角方面直行到連接新世紀廣場嘅天橋上，測試錄得速度上升至 503Mbps
▲ 第三站：再行入西洋菜街至到兆萬中心對面，更加錄得 813Mbps 超極速
試完旺角我地乘搭 6 號巴士直落尖沙咀，期間在巴士上全程記錄 5G 訊號，發現由旺角、油麻地、佐敦至到尖沙咀都有 csl. 5G 覆蓋，測試方面我地會由下邊另一條乘搭公共交通工具嘅影片中交代。先來睇睇尖沙咀各位置嘅測試：
▲ 加拿芬道：450Mbps
▲ 美麗華商場內：420Mbps
▲ 廣東道：410Mbps
小結：
由太子開始直落到尖沙咀，可以見到 csl. 5G 嘅表現相當出色，雖然有部份偏遠位置速度稍有下降，但以平均速度來計都超過 400Mbps，比起 4G 全速來講，平均都快了約 10 倍。而且，訊號表現相當穩定，由太子開始測試至到尖沙咀，中途即使乘搭巴士都冇跳返去 4G。
轉到港島，由中環直落試到銅鑼灣
試完油尖旺，當然唔少得香港最心臟嘅中環至到銅鑼灣一帶嘅位置。我地先由中環開始，行入地鐵站近置地廣場出口，已經有 csl. 5G 覆蓋，試一試原來速度甚至比起地面部份位置更加高。
▲ 中環地鐵站內近置地廣場出口：445Mbps
▲ 中環置地廣場中庭：492Mbps
▲ 中環置地廣場中庭內，我地再對比一下某台 4G 速度：40.8Mbps，可見 5G 速度相當優勝
▲ 中環英皇戲院對出：508Mbps
▲ 中環蘭桂坊：569Mbps
▲ 銅鑼灣鵝頸橋對出：489Mbps
▲ 銅鑼灣時代廣場外：514Mbps
▲ 銅鑼灣希慎廣場外：513Mbps
▲ 銅鑼灣 SOGO 外：634Mbps
小結：
由中環至到銅鑼灣呢一帶，由測試可見 csl. 5G 表現更加出色，平均速度可以上到約 500Mbps。加上，接收範圍依然強勁，行走時、搭叮叮電車時，全程仍可以保持在 5G 訊號。
以下一段乘搭巴士、叮叮電車、過海渡輪嘅實拍影片，大家就可以見到訊號相當穩定。乘搭叮叮電車期間，我地行車途中亦都做咗兩次 Speedtest，速度都能夠保持在 400Mbps 以上：
5G 試真啲，應用體驗全新感受
講起 5G，相信大家嘅第一印象都係速度快。快，就一定架啦！咁快可以做啲乜呢？除咗下載速度之外，網絡延遲 (Latency) 就更加值得留意。上邊測試大家可以見到 Ping Time 普遍都能夠保持在 10 毫秒或以下，比起 4G 年代嘅平均 25ms 左右來講，優勝得多。以下我地睇睇播放 YouTube 高清影片、下載遊戲、以及下載熱播劇集嘅表現：
可見，喺高速及低時延嘅 csl. 5G 網絡之下，播放高清影片時即使快速前進或後退，都無須等待影片緩衝嘅時間，拉到邊到即時播放，零等待。而由 Netfilx 下載劇集方面速度都極快，1 小時多的熱播劇集，只需約 3 至 5 秒就下載完成。至於體積重磅的遊戲，例如下載檔案達到 1.76GB 嘅 PUBG Mobile，完成下載亦僅需 1 分鐘左右。
總結：
經過一輪深入測試之後，筆者已經深深感受到 csl. 5G 所帶來嘅震撼感受。原以為首階段 5G 推出後覆蓋範圍會好弊，但實際用過之後又唔係，反而畀到意外驚喜嘅感覺。今次走均港九多個地方，又搭巴士、渡輪、叮叮，印證咗 csl. 嘅 5G 訊號喺首階段都已經做得相當出色，大家手上嘅 5G 手機，終於可以發揮到應有嘅作為啦！
了解更多 csl. 5G 詳情，可到官網睇睇：按此連結前往
___________________
