香港 5G 網絡已經全面啟動,而隨住各大電訊商推出相關上台計劃後,大家已經可以即時享用到。對於 5G 大家最關心嘅除咗月費外,收唔收到亦都係一個好重要問題,所以我地過去多日來都馬不停蹄地測試了各間電訊商嘅 5G 訊號,今次就同大家講講 CMHK 嘅 5G。

根據香港通訊辦上年 11 月時最後公佈 5G 頻譜拍賣結果,綜合之前所拍賣的 26/28GHz、3.5GHz 以及 4.9GHz,目前以 CMHK 及 CSL 所獲得的 5G 頻譜數量最多,兩者均為 520MHz。

頻譜數量多,代表可用到更多唔同嘅頻段去靈活建設 5G 發射站。因為高頻速度最快,但傳送範圍較短,所以比較適合室內應用,而像 3.5GHz 中低頻則被喻為最黃金頻段,因為傳送範圍廣加上速度亦不會比高頻慢太多。另一個問題,就係新界部份地區如沙田至大埔一帶因與衛星訊號 3.5GHz 頻段相撞,所以形成咗俗稱嘅「結界」,而要解決呢個問題,4.9GHz 嘅配合應用就可以解決到。

今次所測試嘅 CMHK,根據官方所述資料,首階段推出的 5G 網絡範圍遍全港,主要地區中西區、灣仔及銅鑼灣達全港面積覆蓋達 90% 以上,觀塘區覆蓋接近 90%,荃灣區覆蓋亦接近 80%。 另外,除 CMHK 旗下的 38 間門市(大埔門市除外),5G 覆蓋同時包括主流基礎設施及地標商場:香港國際機場、香港會議展覽中心、海港城、奧海城、科學園、中環置地廣場及屯門市廣場等。

由於覆蓋範圍廣,所以我地今次亦都選擇咗幾個點做測試。首先港島區會由北角一帶開始,然後坐叮叮直落到銅鑼灣,最後返回我地經常出入的觀塘區。今次測試所用嘅手機係華為最新推出的 P40 Pro (現時 CMHK 都做緊上台優惠,有興趣可按呢度睇睇),而測速程式就係大家慣用的 SpeedTest App。

港島區

▲ 北角所測試速度不錯,繁忙馬路下載速度去到 519Mbps,Ping Time 只有 7ms

▲ 由北角坐叮叮落銅鑼灣沿途一帶都有 5G 訊號覆蓋,坐在叮叮上開車途中亦都進行了速度測試,其中一次更錄得下載速度 614Mbps,上載 120Mbps,Ping Time 更只有 6ms。

▲ 落到銅鑼灣最旺嘅 SOGO 一帶,錄得速度下載為 578Mbps、上載 124Mbps、Ping Time 8ms

▲ 再入少少嘅希慎對出,錄得速度下載為 414Mbps、上載 57.1Mbps、Ping Time 8ms

▲ 再到時代廣場外,下載速度上升至 557Mbps、上載 69.2Mbps、Ping Time 9ms

觀塘區

▲ 觀塘區暫時來講,更只有 CMHK 有覆蓋,所以我地亦都來試一試。裕民坊測試錄得下載速度 475Mbps、上載 113Mbps、Ping Time 10ms

▲ 開源道商業區,下載速度 461Mbps、上載 119Mbps、Ping Time 9ms

▲ 再外圍少少上到「山頂」月華街住宅區,下載速度 407Mbps、上載 88.5Mbps、Ping Time 9ms

▲ 同一位置對比一下某台 4.5G 速度,僅有 33.9Mbps,可見 5G 速度喺住宅區都快了 10 倍

▲ 依我地測試所見,CMHK 嘅 5G 網絡喺觀塘區都真係唔錯,坐入去茶餐廳食碗牛腩河下載速度都有 405Mbps,對比起 4.5G 全速來講都真係快好多

總結:

香港話大唔大話細唔細,我地當然無辦法跑均九龍新界港島十八區咁去測試。而根據今次所測試結果所見,雖然下載速度未能夠去到 5G 峰值超過 1Gbps 嘅下載速度,但實際應用上已經見到速度明顯比起 4G 爽快得多,平均速度 10 倍或以上並不誇張。而重要嘅係,5G 嘅網絡時延 (即以上測試中嘅 Ping Time) 一般都係 6 至 10ms 之間,對比起 4G 嘅 20 多秒或以上有絕對優勢。以 5G 首階段啟用來講,現時 CMHK 5G 地面覆蓋表現都尚算穩定,沒有 5G 訊號的地方會自動切換至 4G 網絡保持連線,令大家無須擔心會收唔到 WhatsApp。下一階段相信將會打通各地鐵沿線範圍,屆時我地再為大家進行更多測試。

立即 Follow:Qooah IG (@qooah)Qooah YouTube,八掛產品發佈會現場,睇盡靚靚 Show Girls