現時相信好多人都唔止一部手機，加埋平板電腦、智能手錶等，每個人隨時需要兩三張 SIM 來上網。對於非主要上網裝置或者係想買多張數據卡做後備的話，大家都會選擇額外買數據 SIM 卡。市面上一啲數據卡使用期限普遍都比較短，如果需要長用可能未必適合。所以一類可以用足 365 日嘅年卡，而家就越來越受到大家歡迎。筆者發現近日有網店進行大劈價優惠，無論本地數據年卡或者本港/內地數據共用年卡都極為抵玩。
點解要揀年卡？適合邊類人用？
「年卡」，即係啟動後有效期為 365 日嘅數據儲值卡。自從 iPhone 都支援雙 SIM 卡後，而家市面上相信已經超過八九成手機都有提供雙卡功能。如果唔外遊的話，絕大部份人都只會用一張 SIM 卡。不過，萬一主卡數據用完突然間上唔到網，又或者被降到 128Kbps 地獄速度而要周圍搵 Wi-Fi 或者叫朋友 Share 上網的話，其實就好令人沮喪。所以，買多張年卡放入後備 SIM 卡槽度，咁就唔洗擔心主卡突然唔夠數據用量啦。由於年卡有效期長達 365 日，對於主卡個個月都「爭少少」數據嘅用家來講，可以話係「救命卡」。
網店限時激抵推介，本地／內地數據年卡必搶，低至$128
每次一講起買數據卡，好多人第一時間都會諗起去深水埗鴨記。不過如果你唔得閒又或者天時暑熱唔想咁辛苦專登出去買張卡嘅話，你就要留意啦。筆者了解到最近 CMHK 嘅 eShop 同埋 MyLink App 內推出限時網上推介好抵玩。
18GB 本地數據 365 日儲值卡，網店/MyLink 只售 $128。而8GB 中國內地 365 日數據卡，網店/MyLink 只售$168。而且上網買完，儲值卡就會以郵寄方式寄出，你只需安坐家中就可以收到，唔駛身水身汗落去深水埗買。
買卡要小心，「劏卡」無保障
有行開深水埗的話，相信大家都知現時市面上出售嘅數據卡種類極多，好多就算印有電訊商品牌嘅年卡，其實都唔一定係由相關電訊商自家推出，因為部分可能係其他公司租線來分銷的，呢類俗稱叫「劏卡」，用落萬一有問題可能會求助無門。而選擇一類由電訊公司自家推出嘅數據卡，就相對穩陣得多。
一卡兩地用，有通話分鐘又有數據
相比起其他本地年卡，CMHK 呢隻 18GB 本地數據儲值年卡附有 1,200 本地通話分鐘同埋 300 中國內地通話分鐘，適合本地數據需求較大嘅朋友，同埋偶而需要致電中國內地嘅用戶。除咗 18GB 本地數據儲值年卡外，CMHK 另一張中國內地 365 日數據卡，就有 8GB 中國內地及香港共用數據，適合頻密往返兩地嘅朋友。一張卡用足一年，唔洗次次返大陸都要買卡換卡咁麻煩。
增值一樣抵，本地值值卡連增值券套裝優惠一拖一
除咗網店買年卡有限時激抵之外，如果你本身已經用緊 CMHK 儲值卡的話就要留意，因為指定本地儲值卡連增值券都做緊限時「套裝優惠一拖一」，指定儲值卡半價及增值券9折，套裝優惠價錢只需 $51 起，折扣高達 61 折，買來傍身亦無妨。詳情如下：
| $48套裝優惠 | 建議零售價 | 套裝售價 | $80套裝優惠 | 建議零售價 | 套裝售價 |
| 9折$30充值券 + 半價$48本地話音儲值卡 | $78 | $51 (66折) | 9折$30充值券 + 半價$80數據及話音儲值卡 | $110 | $67 (61折) |
| 9折$50充值券 +半價$48本地話音儲值卡 | $98 | $69 (71折) | 9折$50充值券 +半價$80數據及話音儲值卡 | $130 | $85 (66折) |
優惠期至2019年9月30日，CMHK 網店連結：
更多平台立即 Follow：Qooah IG (@qooah)、Qooah YouTube，八掛產品發佈會現場，睇盡靚靚 Show Girls
