近年電子支付盛行，喺香港更加係八花齊放，大家有好多選擇。選擇雖然多，但係其實塊餅又唔係話分得太碎。現時交通方面，已經畀八達通壟斷，所以大家都希望可以開放更多支付方式。繼 Samsung 先行推出 Smart Octopus 將手機「變成」八達通之後，另一更大市場的 Apple，終於亦都同八達通「傾掂數」。
之前我們都有報導過，iOS 13 已經暗藏 Apple Pay 支援八達通的資訊，今日終於獲得八達通公司正式確認。
八達通剛剛發出新聞稿通知傳媒，成份新聞稿雖然只係得三行字，簡簡單單地講：「公司宣布今年稍後，客戶將可在 iPhone 或 Apple Watch 上透過 Apple Pay，使用八達通支付公共交通及零售交易，稍後公布更多詳情。」但意義就非常重大，優其係對一眾 iOS 用戶來講。
新聞稿中，八達通並未明確咁講「幾時用得」，只係話「今年稍後」。其實都唔難推算，因為按上次 iOS 13 所流出來的消息所見，相信要等到正式版推出後才支援，所以按照 Apple 往年時間表，將會最快 9 月中至 10 月初就可以用到。
