SmarTone 推出全新 5G 電視廣告，將於多處商場舉辦 5G 路演，行街隨時有得試！

隨住商用 5G 技術推出日子越來越接近，今年下半年開始大家只要行出街，隨時就可以率先體驗到最新 5G 技術體驗。SmarTone 早前宣佈推出 5G 全新電視廣告並同時聯乘新鴻基地產集團佈置測試站及路演！新廣告搵來有「精靈少女」之稱嘅氣質女神 Vanda Lee 擔演，以展現出 SmarTone 喺即將來到嘅 5G 世代已全面準備好。

本港 5G 發展進入直路，SmarTone 早著先機

目前全球已經有 5 個國家地區正式推出咗 5G 商用牌照，而香港方面今年亦已經進入直路，明年四月就會正式啟用。SmarTone 早喺 2017 年就成功進行本港首個 5G 技術展示，包括成功完成 FDD Massive MIMO 測試及透過智能手機實時測試 5G 網絡。而喺今年 2 月時，香港通訊事務管理局公佈咗 5G 當中兩個頻段 26GHz 以及 28GHz 申請者名單，SmarTone 成為其中一間本港電訊商獲批申請。加上喺 3 月時，SmarTone 更係搶先全港同時進行 26GHz、28GHz 以及 3.5GHz 三個 5G 主要頻段進行測試，可謂早著先機。

搶先睇 MAKE US SMART 電視廣告，展現 SmarTone 5G 全面佈局

SmarTone 早前邀請傳媒率先預覽全新 5G 電視廣告，該廣告以「智慧新啟發」MAKE US SMART 為主題，故事講述⼀個女孩子探索著由 SmarTone 5G 網絡覆蓋嘅城市，經歷唔同人嘅生活，以好奇心發掘科技對生活嘅唔同可能性。女孩子正正係象徵著運用科技的初心，當 5G 網絡來臨時，SmarTone 亦已準備好為市民帶來全面嘅服務。

廣告由來自西雙版納，有「精靈少女」之稱嘅氣質女神 李宛妲 Vanda Lee 擔演，大家而家就可以欣賞到氣質女神嘅仙氣：

全港重點商場路演，行街隨時有得體驗 5G

SmarTone 日前與新鴻基地產集團聯合記者會上宣佈，為咗要令市民大眾對5G 有更多認識，SmarTone 於未來數月將於新地集團旗下物業進行路演，展示 5G 的不同應用，透過電競、AR 等體驗展示 5G 的可能性。

新鴻基地產集團 (「新地集團」) 旗下的商場及酒店，包括 apm、新城市廣場、YOHO Mall，以及香港地標如 ICC 等，率先進行 5G 先導網絡測試。首個路演將於暑假期間假沙田新城市廣場舉行，未來亦將陸續於新地集團旗下其他商場舉行，令更多市民大眾認識 5G。

SmarTone 勢將 5G 應用技術帶到每一個角落

SmarTone 表示，未來將繼續與新地集團緊密合作，結合創意與科技，將創新的技術應用於多元化的業務範疇上，如建築地盤、商場、酒店、寫字樓等，以提升管理效率及客戶體驗。隨著 5G 的來臨，集團內不同的業務將可產生更多的協同效應，為市民帶來更智慧的生活。

舉辦第三屆 SmarTone Hackathon，培育創科人才

透過程式設計比賽，引領初創團隊將其作品向世界舞台展示的 Hackathon 程式設計比賽盛事，於 2017 年時由 SmarTone 再度引入香港。去年 SmarTone Hackathon 第二屆比賽，再次以「智能物業」為主題，匯聚來自香港、大灣區、東南亞及歐美等逾 100 名海外程式開發人員、設計員及初創企業進行比併，活動極為成功。

SmarTone 現宣佈，將舉辦第三屆 SmarTone Hackathon 程式設計比賽，並鼓勵大灣區具潛質的人才及初創企業參加。今屆的主題將圍繞 5G 及智慧城市。而有關比賽詳情，將於稍後公布。