北上短程玩一兩日向來都係唔少港人嘅周末最愛消遣活動之一,近年內地興起一類如酸魚或奶蓋特飲等,更加長期大排長龍。而家近近地北上去深圳或珠海等,大家都會習慣先買數據卡,保持同香港朋友聯繫。講起內地數據卡,市場上出咗一款叫「鴨聊佳」嘅 4G 數據卡,由 1 日至 365 日不等極之抵玩,不得不向大家推薦一下。

「鴨聊佳」英文 Mobile Duck,聽個名就知取自深水埗出名多數據卡買嘅「鴨寮街」諧音,等大家容易記得。現時咁多數據卡揀,呢張有乜特別?話你知五大吸引理由:

一:性價比高,日數選擇夠彈性

香港人經常返內地,有人去玩,有人去探親,亦有人係被公司派上去工作,甚至係上去創業等。所以,每個人上去逗留嘅時間都唔同。「鴨聊佳」目前一共推出咗 6 張 4G/3G 中國內地及本地數據卡,由日卡至年卡不等,正正可以切合到唔同人嘅需要,選擇彈性極高。分別有:

  • 4G中國內地1日數據卡
  • 4G中國內地3日數據卡
  • 4G中國內地15日數據卡
  • 4G中國內地30日數據卡
  • 4G中國內地365日數據卡
  • 4G本地365日數據卡

二:1日、3日超抵玩,短程必揀

筆者身邊有唔少朋友都會週末或者假期上去深圳一至兩日飲飲食食同 Shopping,買數據卡的話一般 1 至 3 日就夠。「鴨聊佳」其中嘅 1 日及 3 日卡就最啱不過,因為 1 日面值 $48 就有 1GB 4G 高速數據,及後限速至最高 128Kbps 無限。而 3 日面值為 $58 包 2GB 4G 高速數據,及後限速至最高 128Kbps 無限,勝在一個唔覺意用多咗數據都唔會斷網。即買即用,毋須登記,而且喺內地仲係用緊中國移動網絡,話晒係最大網絡商夠晒穩定。

$48 一日、$58 三日睇落唔抵玩?呢個只係官方面值來,因為筆者經過鴨寮街見到街賣實價平好多。其中一檔所見,一日只需 $30,而三日為 $38,即時抵玩晒!

三:加送一日,平均低至 $9.5/日

見到上邊張價錢圖,我諗大家都有留意到大大隻字寫住「加送一天」。點解呢?原來呢張「鴨聊佳」數據卡係以啟用翌日起計,所以變相實際上就可以用多一日。簡單講,如果你買一日卡 $30,就會變左兩日內可以用 1GB,平均一日只係 $15。買三日卡 $38,就係四日內可以用 2GB,平均來講一日更低至 $9.5,堅抵啊!

四:可數據共享,一張卡多人用

現時部份漫遊數據卡都有個限制,就係唔可以做 Hotspot 分享畀其他機上網。不過呢張卡就無呢個限制啦,因為佢係可以支援數據共享至其他裝置,變相一張卡就可以 Share 俾多人用。

五:內地香港年卡,長期往返兩地必備

以上同大家提及到 1 日同 3 日卡好抵玩,但如果你係需要長時間內地、香港兩地兩邊走嘅話,仲有更多日子可以選擇。包括 15、30 日,以及都好受歡迎嘅 365 日年卡。當中 365 日數據卡仲有本地版,除左有 30GB 本地 4G 數據外,仲有 2,000 分鐘本地通話,相當適合數據用量多嘅用戶當作第二 SIM 卡用。

筆者仲打聽到,鴨聊佳除咗深水埗排檔有售之外,唔少電訊舖頭都有得賣,去開內地嘅朋友不妨留意下!

立即 Follow:Qooah IG (@qooah),八掛產品發佈會現場,睇盡靚靚 Show Girls

編輯推薦

發表意見

發表意見

最新文章

升級啦喂~ iOS 13 正式版釋出,重溫全新功能!

iOS 13 自從今年六月初於 Apple 的年度...

Samsung 發佈 Galaxy M30s

早前傳出 Samsung 將推出新智能電話 Gal...

Samsung 延伸屏幕手機專利,可能是 Galaxy 11 雛型

目前,在網上曝光了 Samsung 的滑蓋手機專利...

即將發佈的小米全面屏電視 Pro 就是這個樣

在9月24日,小米將舉辦小米 5G新品發布會,據悉...

LG 將推出舊 S821 處理器新產品 G Pad 5!

相信大家都知道,在智能流動產品的市場中,雖然跟 S...